នាថ្ងៃទី ២៧ ខែសីហា ឆ្នាំ២០២១ នេះ ក្រុមហ៊ុន Stronghold Trustee និង គ្រឹះស្ថានមីក្រូហិរញ្ញវត្ថុ Side hustle បានប្រារព្ធពិធីចុះហត្ថលេខាលើអនុស្សរណៈយោគយល់គ្នា។ កិច្ចសហប្រតិបត្តិរវាង ក្រុមហ៊ុនស្រ្តងហូល ត្រាសធី (Stronghold Trustee) និង គ្រឹះស្ថានមីក្រូហិរញ្ញវត្ថុ សាយ ហូសថល (Side Hustle Microfinance) ធ្វើឡើងក្នុងគោលបំណងបង្កើតប្រាក់កម្ចីសម្រាប់គម្រោងវិនិយោគដោយមានការថែរក្សាទ្រព្យសម្បត្តជំនួស (TRUST-LOAN INVESTMENT PLAN for Real Estate Development ) ដែលមានតម្លៃដល់ទៅ ៣០ លានដុល្លារសហរដ្ឋអាមេរិក សម្រាប់រយៈពេល៣ឆ្នាំ ដើម្បីជួយដោះស្រាយបញ្ហានៃវិនិយោគគិនបរទេសទៅលើសិទ្ធកាន់កាប់អចលនវត្ថុ និងបង្កើនប្រាក់ចំនេញវិនិយោគបន្ថែម។
ក្នុងកិច្ចចុះអនុស្សរណៈយោគយល់គ្នានេះ ឯកឧត្តម ស៊ូ សុជាតិ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃនិយ័តករមូលបត្រកម្ពុជា បានសំដែងនូវការទទួលស្គាល់លើការបេ្តជ្ញាចិត្តនៃក្រុមហ៊ុនស្រ្តងហូល ត្រាសធី ទៅលើវិស័យថែរក្សាទ្រព្យសម្បត្តជំនួស និង បរធនបាលកិច្ច ហើយក៏សង្ឃឹមមុតមាំថាក្រុមហ៊ុនស្រ្តងហូល ត្រាសធី នឹងបន្តជួយផ្សព្វផ្សាយការប្រើប្រាស់នូវបរធនបាលកិច្ច និង ការថែរក្សាទ្រព្យសម្បត្តជំនួសទៅទីផ្សារវិនិយោគបរទេស ដើម្បីធានានូវសុវត្ថិភាពនៃការវិនិយោគ។
ទន្ទឹមនឹងនេះ ឯកឧត្តម យឹម លាត សមាជិកគណៈកម្មការសេដ្ឋកិច្ច-ហិរញ្ញវត្ថុ ធនាគារ និងសវនកម្មនៃរដ្ឋសភា និង ឯកឧត្តម បួន សារៈមុនី រដ្ឋលេខាធិការក្រសួងពាណិជ្ជកម្មក៏បានអបអរសាទរ និងជូនពរទៅលើការជោគជ័យនៃអនុស្សរណៈយោគយល់នេះ ដែលបានបន្ថែមនូវភាពអធិកអធមទៅដល់កម្មពិធីនេះ។
ឯកឧត្តម យឹម លាត បានថ្លែងថា៖ “ការួមចំណែករបស់ក្រុមហ៊ុន ស្រ្តងហូល ត្រាសធី បានដើរតួរយ៉ាងសំខាង់ក្នុងវិស័យបរធនបាលកិច្ច និង ការថែរក្សាទ្រព្យសម្បត្តិជំនួសនៅក្នុងប្រទេសកម្ពុជា។ នាពេលអនាគតដ៏ខ្លីខាងមុខនេះ ខ្ញុំបាទសង្ឃឹមថា ក្រុមហ៊ុន ស្រ្តងហូល ត្រាសធី អាចបង្កើតអាជីវកម្មកាន់តែច្រើនទៀត ដើម្បីបង្កើតឱកាសកាន់តែច្រើន និងបង្កើតទំនាក់ទំនងយ៉ាងរឹងមាំជាមួយក្រុមហ៊ុនផ្សេងទៀត”។
ជាក់ស្តែង កិច្ចសហប្រតិបត្តិការនេះ នឹងធ្វើឲ្យ ក្រុមហ៊ុន ស្រ្តងហូល ត្រាសធី អាចពង្រីកអាជីវកម្មបរធនបាលកិច្ច និងថែរក្សាទ្រព្យសម្បត្តិរបស់ខ្លួនបាន និង ជួយឲ្យសេវាប្រាក់កម្ចីនៃគ្រឹះស្ថានមីក្រូហិរញ្ញវត្ថុ សាយ ហូសថល កាន់តែមានភាពបត់បែន ប្រកបដោយសុវត្ថិភាព ជាពិសេសគឺការផ្តល់ប្រាក់កម្ចីដល់សហគ្រាសខ្នាតតូចមធ្យម និង សម្រាប់អ្នកចាប់ផ្តើមធុរៈកិច្ចថ្មី ដោយប្រើប្រាស់នូវបច្ចេកវិទ្យាហិរញ្ញវត្ថុឌីជីថល និងទិន្នន័យ ដើម្បីត្រួតពិនិត្យ និងបន្តសង្កេតទៅលើការអនុវត្ត និងប្រតិបត្តិនៃប្រាក់កម្ចី។ បើប្រៀបធៀបទៅនឹងរចនាសម្ព័ន្ធហិរញ្ញវត្ថុគន្លងចាស់ គម្រោងនេះអាចធានាបាននូវសុវត្ថិភាពនៃវិនិយោគ និងផលចំណេញផងដែរចំពោះភាគីពាក់ព័ន្ធ(Stakeholders) មិនថាភាគីម្ចាស់ដី ភាគីផ្តល់ហិរញ្ញប្បទាន និងភាគីអភិវឌ្ឍន៍។
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)