ការស្រាវជ្រាវបង្ហាញថា វ៉ាក់សាំងកូវីដ១៩នៅចិនមានប្រសិទ្ធិភាពប្រឆាំងកូវីដ១៩បំប្លែងថ្មីដែលរកឃើញនៅឥណ្ឌាបាន

[ស្វែងរកអចលនទ្រព្យគ្រប់ប្រភេទមាននៅ Compass - សេចក្តីរាយការណ៍ព័ត៌មាន] យោងតាមប្រភពដែលបានចេញផ្សាយដោយទីភ្នាក់ងារសារព័ត៌ចិន Xinhuanet នៅល្ងាចថ្ងៃទី២០ ខែឧសភា ឆ្នាំ២០២១ បានឱ្យដឹងថា តាមរយៈការសិក្សាបឋមបានបង្ហាញថា វ៉ាក់សាំងកូវីដ១៩ដែលកំពុងដាក់ឱ្យប្រើប្រាស់នៅក្នុងប្រទេសចិនបច្ចុប្បន្នគឺអាចប្រឆាំងទៅនឹងវីរុសបំប្លែងថ្មីដែលរកឃើញនៅប្រទេសឥណ្ឌាបាន ។

អ្នកជំនាញផ្នែកសុខភាពនៅឯមជ្ឈមណ្ឌលគ្រប់គ្រង និងបង្ការជំងឺឆ្លងរបស់ប្រទេសចិនលោក Shao Yiming បានគូសបញ្ជាក់ប្រាប់សន្និសីទកាសែតនៅទីក្រុងប៉េកាំងថា ប្រទេសចិនបានយកចិត្តទុកដាក់យ៉ាងខ្លាំង ចំពោះការលេចចេញឡើងនូវវីរុសកូវីដ១៩បំប្លែងថ្មី ដែលត្រូវបានរកឃើញដំបូងបង្អស់ នៅក្នុងប្រទេសឥណ្ឌា និងកំពុងធ្វើការសិក្សាស្រាវជ្រាវ អំពីប្រសិទ្ធភាពរបស់វ៉ាក់សាំងចិន ប្រឆាំងនឹងវីរុសបំប្លែងខ្លួនថ្មីនោះ ដោយសារវានឹងបន្តបំប្លែងខ្លួនឥតឈប់ឈរ ដូច្នេះវីរុសបំប្លែងខ្លួនថ្មីជាច្រើនទៀតនឹងលេចចេញឡើងជាបន្តបន្ទាប់ ។

បើតាមលោក Shao Yiming ប្រទេសចិន ក៏មានសមត្ថភាពក្នុងការដាក់ចេញនូវវ៉ាក់សាំងថ្មី ដែលមានប្រសិទ្ធភាពខ្លាំងផងដែរ ប្រសិនបើវ៉ាក់សាំងបច្ចុប្បន្នគ្មានប្រសិទ្ធភាព ប្រឆាំងនឹងវីរុសកូវីដ១៩បំប្លែងខ្លួនថ្មីនោះ ៕

អត្ថបទដោយ ៖ Samnang , ប្រធានផ្នែកនិពន្ធ ៖ Sunnie, និពន្ធនាយក / ផលិតករ ៖ Nicole

កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ Cambodia丨Laos | Myanmar | Singapore丨Philippines丨Thailand丨UAE