ទុក្ខជាន់ទុក្ខ ! ឥណ្ឌាកំពុងកូវីដធ្ងន់ធ្ងរស្រាប់តែលេចចេញជំងឺមួយប្រភេទនៅទីក្រុងដែលីសាហាវជាងមុនទៀត

[ស្វែងរកអចលនទ្រព្យគ្រប់ប្រភេទមាននៅ Compass - សេចក្តីរាយការណ៍ព័ត៌មាន] យោងតាមប្រភពពីទីភ្នាក់ងារសារព័ត៌មាន Republic World បានចេញផ្សាយថា ស្របពេលដែលប្រទេសឥណ្ឌាកំពុងតែរងការវាយប្រហារពីជំងឺរាតត្បាតកូវីដ១៩ធ្ងន់ធ្ងរ និងជំងឺផ្សិតខ្មៅ-ផ្សិត.សពេលនេះស្រាប់តែគេរកឃើញនៅទីក្រុងដែលីកំពុងតែផ្ទុះជំងឺ «ផ្សិតលឿង» មួយប្រភេទទៀតដែលមានភាពកាចសាហាវជាងមុនទៅទៀត ។

តាមប្រភពសេចក្តីរាយការណ៍បានឱ្យដឹងដែរថា អាការនៃជំងឺផ្សិតលឿងនេះមានដូចជា ស្រកទម្ងន់ មិនសូវឃ្លានអាហារ ឬមិនឃ្លានអ្វីទាំងអស់ អស់កម្លាំងល្ហិតល្ហៃ ដែលជារោគសញ្ញានៃជំងឺផ្សិតលឿងនេះ ហើយបើធ្ងន់ធ្ងរនោះអាចឈានរហូតដល់ខូងភ្នែក ឬធ្លាយចេញខ្ទុះថែមទៀតផង ។

តាមប្រភពក៏បានឱ្យដឹងដែរថា មូលហេតុនៃការកើតមានជំងឺផ្សិតលឿងនេះអាចបណ្តាលមកពីការទទួលទានអាហារមានសំណើមខ្ពស់ ឬអាហារទុកចោលយូរ ។ ទោះបីជាយ៉ាងណាក៏ដោយ មូលហេតុចម្បង ត្រូវបានគេនិយាយថា បណ្តាលមកពីភាពគ្មានអនាម័យ ។

តាមប្រភព Republic World បានបញ្ជាក់ផងដែរថា ជំងឺផ្សិតលឿងនេះមានគ្រោះថ្នាក់ខ្លាំងជាងជំងឺផ្សិតខ្មៅ-ផ្សិត.សទៅទៀតក៏ព្រោះតែជំងឺនេះវាធ្វើឱ្យមានការរារាំងដល់ការសះមុខរបួស ធ្វើឱ្យរបួសឈឺយូរ និងអាចបណ្តាលឱ្យខូចសរីរាង្គ កង្វះអាហាររូបត្ថម្ភ ហើយនៅទីបំផុតអាចបណ្តាលឱ្យមានជំងឺសរសៃប្រសាទធ្ងន់ធ្ងរ ឬឈានដល់ស្លាប់តែម្តង ។

ក្រុមគ្រូពេទ្យក៏បានណែនាំផងដែរថា ក្នុងករណីដែលមានលេចចេញនូវរោគសញ្ញាសូមធ្វើការស្វែងរកការព្យាបាលឱ្យបានឆាប់រហ័សបំផុត ។ ប្រសិនបើដឹងខ្លួនទាន់ពេលវេលាជំងឺផ្សិតលឿងនេះអាចព្យាបាលបានដោយការប្រើប្រាស់ថ្នាំ Amphotericin B ៕

អត្ថបទដោយ ៖ Samnang , ប្រធានផ្នែកនិពន្ធ ៖ Sunnie, និពន្ធនាយក / ផលិតករ ៖ Nicole

កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ Cambodia丨Laos | Myanmar | Singapore丨Philippines丨Thailand丨UAE