អ្នកជំនាញអចលនទ្រព្យថៃរំពឹងថា ប្រជាជនចិននឹងធ្វើឱ្យទីផ្សារអចលនទ្រព្យថៃងើបឡើងវិញ

[ស្វែងរកអចលនទ្រព្យគ្រប់ប្រភេទមាននៅ Compass] លោក Patanaphakdee ប្រធានមជ្ឈមណ្ឌលព័ត៌មានអចលនទ្រព្យបានប៉ាន់ប្រមាណថា ទីផ្សារអចលនទ្រព្យនឹងកើនឡើងយ៉ាងច្រើនពីចន្លោះ ៥ ទៅ ៧ ភាគរយនៅឆ្នាំនេះដោយរំពឹងថា ទីផ្សារទិញ-លក់អចលនទ្រព្យក្នុងប្រទេសថៃនឹងមានភាពប្រសើរឡើង ។

លោក Patanaphakdee បាននិយាយថា ឆមាសទីមួយ នៃឆ្នាំនេះសម្រាប់ការរីករាលដាលនៃជំងឺរាតត្បាត Covid-19 នឹងពន្យារពេលការផ្ទេរភាពជាម្ចាស់កម្មសិទ្ធិរបស់អ្នកទិញជាជនជាតិចិន ។

ទន្ទឹមនឹងនេះដែរលោក Surachet Kongcheep នាយកគ្រប់គ្រងក្រុមហ៊ុនអភិវឌ្ឍ និងប្រឹក្សាអចលនទ្រព្យភេននីចបានអះអាងថា មូលហេតុអវិជ្ជមានដូចជាវីរុស និងការធ្លាក់ចុះនៃសេដ្ឋកិច្ចពិភពលោកបានបណ្តាលឱ្យការទិញអចលនទ្រព្យរបស់ជនជាតិចិននៅក្នុងប្រទេសថៃធ្លាក់ចុះប្រហែល ៤០ ភាគរយ ។

លោកបានបន្តទៀតថា ៖ «យើងសង្ឃឹមថាប្រជាជនចិនទាំងនោះនឹងធ្វើឱ្យទីផ្សារអចលនទ្រព្យរបស់ប្រទេសថៃងើបឡើងវិញ» ៕

អត្ថបទដោយ ៖ Samnang , ប្រធានផ្នែកនិពន្ធ ៖ Sunnie, និពន្ធនាយក / ផលិតករ ៖ Nicole

កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ Cambodia丨Laos | Myanmar | Singapore丨Philippines丨Thailand丨UAE