ប្រទេសវៀតណាមកំពុងពិចារណាលើការយកពន្ធលើវីឡាដែលគេបោះបង់ចោល

[ស្វែងរកអចលនទ្រព្យគ្រប់ប្រភេទមាននៅ Compass] ប្រទេសវៀតណាមកំពុងពិចារណាយកពន្ធ ឬពិន័យចំពោះអចលនវត្ថុពាក់កណ្តាលសម្រេចដែលត្រូវម្ចាស់គម្រោងទុកចោល ដែលវាត្រូវបានចាត់ទុកថាកំពុងបង្កើតកាកសំណល់សំណងនៃធនធានដីធ្លីនៅក្នុងទីប្រជុំជន និងនៅក្នុងរដ្ឋធានីរយៈពេលជាច្រើនឆ្នាំ ។ នេះបើយោងតាមប្រភពពីទីភ្នាក់ងារសារព័ត៌មានវៀតណាម a24now ចេញផ្សាយកាលពីថ្ងៃទី០៣ ខែមិថុនា ឆ្នាំ២០២១ កន្លងទៅនេះ ។

ក្រសួងហិរញ្ញវត្ថុរបស់វៀតណាមបានបញ្ជាឱ្យមន្ទីរពាក់ព័ន្ធ និងគណៈកម្មាធិការប្រជាជនក្នុងស្រុកបង្កើនការត្រួតពិនិត្យ និងដាក់សម្ពាធលើអ្នកអភិវឌ្ឍន៍គម្រោងទាំងនេះឱ្យពន្លឿនការស្ថាបនា នេះបើយោងតាមនាយកដ្ឋានសំណង់ដោយបន្ថែមថា ឥឡូវនេះគម្រោងជាច្រើនកំពុងស្ថិតក្នុងដំណាក់កាលពិនិត្យឡើងវិញហើយអាចនឹងចំណាយពេលយូរ ។ 

វីឡាដែលត្រូវបានគេបោះបង់ចោលក្នុងរយៈពេលចាប់ពី៣ខែដល់តិចជាងមួយឆ្នាំគឺត្រូវបង់ពន្ធ ៥ ភាគរយ ហើយសម្រាប់គម្រោងណាដែលមានរយៈពេលទុកចោលលើសពី១ឆ្នាំនឹងត្រូវបង់ពន្ធ១០% ៕

អត្ថបទដោយ ៖ Samnang , ប្រធានផ្នែកនិពន្ធ ៖ Sunnie, និពន្ធនាយក / ផលិតករ ៖ Nicole

កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ Cambodia丨Laos | Myanmar | Singapore丨Philippines丨Thailand丨UAE