[ស្វែងរកអចលនទ្រព្យគ្រប់ប្រភេទមាននៅ Compass - សេចក្តីរាយការណ៍សង្ខេប] ឥទិ្ធពលនៃកំណើនតម្លៃនៃវត្ថុធាតុដើមកសិកម្មដូចជា ស្រូវសាលី ប្រេងបន្លែជាដើម នារយៈពេលប៉ុន្មានខែចុងក្រោយនេះ បានធ្វើឱ្យមានផលប៉ះពាល់យ៉ាងខ្លាំងដល់អតិថិជនធម្មតា ក៏ដូចជាក្រុមហ៊ុនផលិតកម្មនានានៅអាស៊ី។
កំណើនតម្លៃបានក្លាយជាបន្ទុកដែលផលិតករបានដាក់ទៅលើក្រុមគ្រួសារជាច្រើន ដែលកំពុងព្យាយាមថ្លឹងថ្លែងលើការចំណាយប្រចាំថ្ងៃ ហើយបន្ទុកនេះដែរ ក៏ជាកត្តាបង្អាក់នៃការស្តារសេដ្ឋកិច្ចឡើងវិញក្រោយពីផលប៉ះពាល់ពីការរីករាលដាលដ៏សាហាវនៃជម្ងឺកូវីដ-១៩ក្នុងសកលលោក។
សន្ទស្សន៍តម្លៃអាហារដែលត្រូវបានចេញផ្សាយដោយអង្គការស្បៀងអាហារនិងកសិកម្មរបស់អង្គការសហប្រជាជាតិ (FAO) ដែលតាមដានតម្លៃសាច់ ទឹកដោះគោ ធញ្ញជាតិ ប្រេងបន្លែ និងស្ករ បានកើនឡើងក្នុងអំឡុងពេល ១២ខែជាប់ៗគ្នាដល់ខែឧសភាដែលកើនឡើងដល់ ១២៧.១ ដែលជាកំរិតខ្ពស់បំផុតក្នុងរយៈពេលជិត ១០ ឆ្នាំចុងក្រោយនេះ ហើយវាជាតួលេខដែលខ្ពស់ជាងខែឧសភាឆ្នាំមុន ៤០ ភាគរយ។
គួរបញ្ជាក់ថា កំណើនតម្លៃនៃវត្ថុធាតុដើមបានកើនឡើង មានកត្តាមួយក្នុងនោះ គឺបណ្តាលមកពីលំហូរចរាចរណ៏សាច់ប្រាក់ក្នុងទីផ្សារមានការកើនហួសពីធម្មតា ដែលកើតពីការធ្វើពិពិធកម្មរបស់អ្នកទិញ។ ដូចនេះ ផលិតករម្ហូបអាហារនៅអាស៊ីដែលបានប្រឈមនឹងកំណើនតម្លៃវត្ថុធាតុដើម ផលិតករក៏បានចាប់ផ្តើមបង្កើនតម្លៃផលិតផលរបស់ខ្លួនដូចគ្នា។ គេបានមើលឃើញច្បាស់ពីបញ្ហានេះ នៅប្រទេសជឿនលឿនដូចជាប្រទេសចិន ជប៉ុននិងកូរ៉េខាងត្បូង។
នៅឯប្រទេសចិន តម្លៃប្រេងចម្អិន ដែលផលិតពីសណ្តែកក្នុងស្រុក នៅក្នុងខែមេសាបានកើនឡើងដល់ទៅ 20%។ ចំណែកប្រទេសជប៉ុនវិញ រោងចក្រផលិតម្សៅកិនដ៏ធំដូច Nisshin Seifun Group នឹងបង្កើននូវតម្លៃដើមផលិតផលម្សៅស្រូវសាលីរបស់ខ្លួនខ្ពស់ជាងធម្មតាដល់ទៅ 2%-4% នៅខែកក្កដាខាងមុខ។ រីឯប្រទេសកូរ៉េខាងត្បូង ហាងនំបុ័នដ៏ធំបំផុត Paris Baguette បានដំឡើងថ្លៃនំប៉័ងដល់ ៥.៦% លើសពីមុនតាំងពីខែកុម្ភះមកម៉្លេះ ព្រោះដោយសារថ្លៃដើមនៃការផ្គត់ផ្គង់វត្ថុធាតុដើមមានការកើនឡើង។
យោងតាមការថ្លែងបញ្ជាក់ពីសេដ្ឋវិទូ លោក Chua Hak Bin នៃធនាគារ Maybank Kim Eng បានអោយដឹងថា កំណើនតម្លៃអាហារអាចនឹងបង្អាក់ដល់ការស្តារសេដ្ឋកិច្ចអាស៊ីពីជម្ងឺរាតត្បាតកូវីដ-១៩ ដែលនាពេលនេះបានកំពុងប្រឈមទៅនឹងភាពអស្ថេរភាពរួចមកហើយ ។
លោកក៏បានបន្ថែមទៀតថា ការថយចុះនៃប្រាក់ចំណូលរបស់គ្រួសារមូយភាគធំ និងក្រុមមនុស្សដែលរស់នៅក្នុងតំបន់ទីទ័លនៃសកលលោក អាចត្រូវទទួលយកនូវបន្ទុកបន្ថែមលើសមុន ដោយសារកំណើនតម្លៃលើកនេះ។ ហើយដែលសំខាន់ក្រុមមនុស្សនៃតំបន់ទាំងនេះមានការប្រឈមនឹងភាគរយទាបដែលអាចទទួលយកការចាក់វ៉ាក់សាំងការពារ កូវីដ-១៩ បូកជាមួយនឹងភាពមានកម្រិតនៃប្រាក់ចំណូលប្រចាំស្រាប់ ការកើនតម្លៃនេះនឹងមិនអំណោយផលដល់ការសម្រួលនៃការកាត់បន្ថយផលចំណាយនាអនាគតទេ ។
រៀបរៀងនិងកែសម្រួលដោយខមភើសកម្ពុជា
រៀបរៀងដោយ ៖ Thangnyth, ប្រធានផ្នែកនិពន្ធ ៖ Sunnie, នាយក / ផលិតករ ៖ Nicole
កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ កម្ពុជា | សិង្ហបុរី | អារ៉ាប់រួម | ថៃ | ហ្វីលីពីន | មីយ៉ាន់ម៉ា | ឡាវ
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)