ខមភើសអចលនទ្រព្យ·សេចក្តីរាយការណ៍ព័ត៌មាន ~ ទីក្រុងឌូបៃ ដែលក្រៅពីជាម្ចាស់ផ្ទះនៃអគារដែលខ្ពស់ជាងគេ និងផ្សារទំនើបដែលធំជាងនៅលើពិភពលោករួចមកហើយ កាលពីថ្មីៗ ក៏បានបើកឱ្យដំណើរនូវ “The Deep Dive Dubai Pool” ដែលធ្លាប់បានទទួលពានឯតទគ្គកម្មហ្គីនណេស លើកំណត់ត្រា“អាងហែលទឹកជ្រៅបំផុត”កាលពីថ្ងៃទី២៧ ខែមិថុនា កន្លងទៅនេះ។
អាងទឹក The Deep Dive Dubai Pool មានជម្រៅ ៦០ ម៉ែត្រ អាចចំណុះទឹកសរុបបានចំនួន ១៤ លានលីត្រ ឬស្មើទំហំអាងហែលទឹកអូឡាំពិកចំនួន ៦ ដែលបានធ្វើការបំបែកកំណត់ត្រាពីអាងទឹក Deepspot របស់ប្រទេស ប៉ូឡូញ ដែលមានជម្រៅជាង ៤៥ ម៉ែត្រ។ លើកពីនេះ សីតុណ្ហភាពទឹកនៃអាងទឹកនៃទីក្រុងឌូបៃនេះ ត្រូវបានរក្សានៅត្រឹម ៣០ ដឺក្រេ ដែលជាសីតុណ្ហភាពមួយដែលសមល្មមសម្រាប់អ្នកជ្រមុជទឹកដែលនឹងចុះទៅកម្សាន្ត។
គួរបញ្ជាក់ថា គម្រោងអាងទឹក The Deep Dive Dubai Pool ត្រូវបានគេរចនាសម្ព័ន្ធផ្នែកខាងក្នុងដោយដាក់តាំងនូវរូបសំណាក់ អយស្ទ័រ ដែលទំហំដល់ទៅ 1,500 ម៉ែត្រក្រឡា ដែលនេះជាតំណាងឱ្យប្រទេសអារ៉ាប់រួម ដែលបានទទួលឈ្មោះថា ប្រទេសគុជលើដែនមហាសមុទ្រ។ បន្ថែមពីនេះ ផ្នែកដែលគួរឱ្យលេចធ្លោជាងគេនៃគម្រោង គឺទីក្រុងក្រោមទឹក រួមជាមួយប្រព័ន្ធភ្លើងបំភ្លឺ ប្រព័ន្ធសំឡេងដែលទំនើប ដើម្បីបង្កើតនូវបរិយាកាស។ មិនតែប៉ុណ្ណោះ អ្នកជ្រមុជទឹកដែលបានចុះទៅកម្សាន្តថែមទាំងអាចធ្វើសកម្មភាពជាច្រើនផ្សេងទៀត ដូចជា មើលកុន លេងហ្គេម និងធ្វើដំណើរផ្សងព្រេងមើលទីក្រុងក្រោមសមុទ្រ។ ម៉្យាងវិញទៀត គម្រោងនេះផ្ទាល់តែម្តង ក៏មាននូវស្ទូឌីយោសម្រាប់ថតខ្សែភាពយន្តក្រោមទឹក ដែលធំជាងគេនៅក្នុងតំបន់ផងដែរ ។ ទទ្ទឹមនឹងគ្នានេះ ដើម្បីធានាបាននូវសុវត្ថិភាពរបស់អ្នកកម្សាន្ត គម្រោងអាងទឹកដ៏ជ្រៅជាងគេនេះ មានការធ្វើការបំពាក់នូវ កាមេរ៉ាចំនួន ៥៦ ដែលតំឡើងដាក់ឱ្យនៅជុំវិញអាងទឹក ព្រមជាមួយទីតាំងសុវត្ថិភាពដែលអាចផ្ទុកមនុស្សបាន ១២ នាក់នៅក្នុងករណីមានអាសន្ន។ ក្រៅពីនេះ គម្រោងផ្ទាល់ ក៏មាននូវការបើកថ្នាក់សម្រាប់បង្រៀនពី របៀបជ្រមុជទឹក ដល់អ្នកដែលទើបនឹងចាប់ផ្តើមរៀន ហើយនិងអ្នកដែលធ្លាប់មានបទពិសោធន៍ ព្រមទាំងសញ្ញាប័ត្របញ្ជាក់រួចហើយ។ ជាងនេះទៅទៀត អ្នកកម្សាន្តក៏អាចធ្វើការដើរលេងនៅក្នុងទីក្រុងក្រោមទឹកបានដោយខ្លួនឯង បន្ទាប់ពីការដើរទស្សនាជាមួយមគ្គុទេសក៍ម្នាក់ប្រចាំតំបន់រួចរាល់។ គួរបញ្ជាក់បន្ថែមទៀត ការបើកដំណើរការនាពេលបច្ចុប្បន្ន គឺបើកឱ្យតែចំពោះអ្នកដែលទទួលបានលិខិតអញ្ជើញតែប៉ុណ្ណោះ តែគម្រោងនេះក៏គ្រោងនឹងបើកជាសាធារណៈនាពេលចុងឆ្នាំនេះដែរ។
រៀបរៀងនិងកែសម្រួលដោយខមភើសកម្ពុជា
រៀបរៀងដោយ ៖ Thangnyth, ប្រធានផ្នែកនិពន្ធ ៖ Sunnie, នាយក / ផលិតករ ៖ Nicole
កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖ កម្ពុជា | សិង្ហបុរី | អារ៉ាប់រួម | ថៃ | ហ្វីលីពីន | មីយ៉ាន់ម៉ា | ឡាវ
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)