នាព្រឹក ថ្ងៃទី ២១ ខែសីហា ឆ្នាំ ២០២៣ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានចេញផ្សាយនូវតម្លៃដីចុងក្រោយបំផុតសម្រាប់ឆមាសទី ១ ឆ្នាំ ២០២៣ នៅខណ្ឌលំដាប់រងដ៏សំខាន់ៗរបស់រាជធានីភ្នំពេញចំនួន ២ រួមមាន ខណ្ឌឬស្សីកែវ និងខណ្ឌសែនសុខ។
យោងតាមទិន្នន័យរបស់ CVEA នៅឆមាសទីមួយនៃឆ្នាំ ២០២៣ តម្លៃដីនៅតំបន់ខណ្ឌឬស្សីកែវនិងខណ្ឌសែនសុខទាំងមូលបានធ្លាក់ចុះបន្តិច ដោយតម្លៃជាមធ្យមគឺ ១,២៨២ ដុល្លារអាមេរិក និង ១,៧៥៤ ដុល្លារអាមេរិក រៀងគ្នាក្នុងមួយម៉ែត្រការ៉េ។ រីឯក្នុងឆ្នាំ ២០២២ យើងសង្កេតឃើញថា តម្លៃដីជាមធ្យមនៅក្នុងខណ្ឌឬស្សីកែវ បានឈានដល់ ១,៤៩២ ដុល្លារក្នុងមួយម៉ែត្រការ៉េ ចំណែកឯខណ្ឌសែនសុខវិញ គឺត្រឹមតែ ១,៧៣៨ ដុល្លារក្នុងមួយម៉ែត្រការ៉េ។
បើក្រឡេកទៅកាន់ខណ្ឌឬស្សីកែវ តម្លៃដីនៅតាមបណ្ដោយផ្លូវធំៗក្នុងសង្កាត់ទួលសង្កែទី១ គឺខ្ពស់ជាងគេ ដោយតម្លៃគឺ ៣,៧០០ ដុល្លារក្នុងមួយម៉ែត្រការ៉េ ហើយតម្លៃទាបបំផុតត្រឹម ៤៥០ ដុល្លារក្នុងមួយម៉ែត្រការ៉េនៅក្នុងសង្កាត់ស្វាយប៉ាក។ ចំពោះខណ្ឌសែនសុខ តម្លៃដីនៅតាមបណ្ដោយផ្លូវធំៗក្នុងសង្កាត់ភ្នំពេញថ្មី និងសង្កាត់ទឹកថ្លា មានតម្លៃខ្ពស់បំផុតគឺ ៤,២០០ ដុល្លារក្នុងម៉ែត្រការ៉េ និងតម្លៃទាបបំផុត គឺក្នុងសង្កាត់ក្រាំងធ្នុង ដែលមានតម្លៃ ៣៥០ ដុល្លារក្នុងម៉ែត្រការ៉េ។
សូមជម្រាបផងដែរថា កាលពីឆ្នាំ២០២២ តម្លៃដីខ្ពស់បំផុតនៅក្នុងខណ្ឌឬស្សីកែវមានតម្លៃរហូតដល់ ៣,៩០០ ដុល្លារក្នុងម៉ែត្រការ៉េ និងខណ្ឌសែនសុខ មានតម្លៃឈានដល់ ៤,៤០០ ដុល្លារក្នុងម៉ែត្រការ៉េ។
▲តម្លៃដីនៅខណ្ឌឬស្សីកែវក្នុងឆមាសទី១ ឆ្នាំ២០២៣
▲តម្លៃដីនៅខណ្ឌសែនសុខ ក្នុងឆមាសទី១ ឆ្នាំ២០២៣
▲តម្លៃដីនៅខណ្ឌឬស្សីកែវ ក្នុងឆ្នាំ២០២២
▲តម្លៃដីនៅខណ្ឌសែនសុខ ក្នុងឆ្នាំ២០២២
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)