ខេត្ត​ព្រះសីហនុ​ចាប់ផ្តើម​ពង្រីក​ការ​កែ​លម្អ​សោភ័ណភាព​ដើម្បី​លើក​កំពស់​​សោភ័ណភាព​ក្រុងអោយកាន់តែស្រស់ស្អាត

នៅក្នុងពេលខាងមុខឆាប់ៗនេះក្រុងព្រះសីហនុនិងមានការរៀបចំសួនច្បារ៤កន្លែងក្នុងក្រុងព្រះសីហនុនៅក្នុងខេត្តព្រះសីហនុដោយនៅក្នុងនោះរួមមាន ទីតាំងទី១  ៖ គឺនៅក្នុងសួនកូនសោរនៅក្បែរវិមានឯករាជ្យសង្កាត់លេខ៣ក្រុង-ព្រះសីហនុ។ 

ទីតាំងទី២ ៖  គឺនៅសួនច្បារនៅក្បែរអតីតមហោស្រពសង្កាត់លេខ២ ក្រុង-ខេត្តព្រះសីហនុ ដោយរដ្ឋបាលខេត្តនឹងរៀបចំឲ្យផ្លាស់ប្តូរចំណតរថយន្តបច្ចុប្បន្នទៅចំណតរថយន្តថ្មីនៅភូមិ១(ក្បាលឆាយ)សង្កាត់លេខ១ ក្រុងព្រះសីហនុវិញ។ 

ទីតាំងទី៣ ៖ គឺ សួនច្បារកន្ទុយនាគ នៅសង្កាត់លេខ៤ ក្រុង-ខេត្តព្រះសីហនុ។

ទីតាំងទី៤ ៖ គឺនៅសួនកុមារនៅឆ្នេរអូរឈើទាល សង្កាត់លេខ៤ ដោយធ្វើការកែលំអឲ្យទៅជាសួនកុមារថ្មីនិងបន្ថែមឧបករណ៍ សម្រាប់ក្មេងតូចៗលេងកំសាន្តផងដែរ។នៅក្នុងសួនច្បារនីមួយៗគឺគ្រោងនឹងរៀបចំឲ្យមានឧបករណ៍សម្រាប់បងប្អូនហាត់ប្រាណដើម្បីបំប៉នសុខភាព បន្ថយភាពតានតឹង ភាពហត់នឿយអោយមានកាន់តែច្រើនបន្ថែមទៀត។ 

 ការអភិវឌ្ឍន៍ខេត្តព្រះសីហនុពីមួយថ្ងៃទៅមួយថ្ងៃគឹកាន់តែមានភាពល្អប្រសើរឡើងដោយកាន់តែមានភាពទំនើបទៅតាមសម័យកាលនេះគឺជាគម្រោងមួយដ៏ល្អហើយវាក៏អាចនឹងជួយកែប្រែមុខមាត់របស់ខេត្តឲ្យកាន់តែមានភាពស្រស់ស្អាតផងដែរ។ហើយនេះក៏ជាការខិតខំប្រឹងប្រែងរបស់អភិបាលខេត្តព្រះសីហនុផ្ទាល៉ ដែលបានមានការខិតខំប្រឹងប្រែងគ្មានពេលឈប់សម្រាកក្នុងការអភិវឌ្ឍន៍ខេត្តព្រះសីហនុពីមួយថ្ងៃទៅមួយថ្ងៃអោយកាន់តែល្អហើយមានភាពប្រសើរឡើងពី មួយថ្ងៃទៅមួយថ្ងៃ៕