រាជធានីភ្នំពេញ ៖ នៅក្នុងជំនួបពិភាក្សារវាងសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ជាមួយនឹងលោកជំទាវ Devyani Uttamkhobragade ឯកអគ្គរដ្ឋទូតថ្មី នៃសាធារណរដ្ឋឥណ្ឌាប្រចាំកម្ពុជា នៅព្រឹកថ្ងៃទី១៨ ខែមករា ឆ្នាំ២០២១ នេះសម្តេចតេជោបានស្នើសុំជំនួយវ៉ាក់សាំងចាក់ការពាជំងឺកូវីដ១៩ពីប្រទេសឥណ្ឌា ។
សំណើខាងលើនេះ ត្រូវបានសម្តេចតេជោនាយករដ្ឋមន្រ្តីបានស្នើតាមរយៈលោកជំទាវឯកអគ្គរដ្ឋទូតទៅកាន់នាយករដ្ឋមន្រ្តីឥណ្ឌា Narendra Damodardas Modi ព្រោះប្រទេសឥណ្ឌាបានផលិតវ៉ាក់សាំងកូវីដ១៩ បានដោយខ្លួនឯងហើយគ្រោងនឹងចាក់ជូនប្រជាពលរដ្ឋរបស់ខ្លួនជាង៣០០លាននាក់នៅក្នុងឆ្នាំនេះផងដែរ ។
គួររម្លឹកផងដែរថា កាលពីរាត្រីថ្ងៃទី១៥ ខែមករា ឆ្នាំ២០២០ សម្តេចតេជោ ហ៊ុន សែន បានប្រកាសថា រដ្ឋាភិបាលចិនបានផ្តល់វ៉ាក់សាំងកូវីដ១៩ចំនួន១លានដូសដល់រាជរដ្ឋាភិបាលកម្ពុជាដើម្បីចាក់ជូនប្រជាពលរដ្ឋប្រមាណ៥០ម៉ឺននាក់ ។
សម្តេចតេជោបានបញ្ជាក់ដែរថា ក្រៅពីវ៉ាក់សាំងប្រឆាំងជំងឺកូវីដ១៩ ចំនួន១លានដូសជាជំនួយរបស់ចិននេះទៅ កម្ពុជានឹងបន្តស្វះស្វែងរកវ៉ាក់សាំងចាក់ជូនប្រជាជនឱ្យបាន១០លាននាក់ ឬរហូតដល់១៣លាន បើមានតម្រូវការឱ្យចាក់វ៉ាក់សាំងដល់៨០ភាគរយនៃចំនួនប្រជាពលរដ្ឋនោះ ។ ការចាក់វ៉ាក់សាំងនឹងធ្វើឡើងដោយមិនគិតថ្លៃ និងឈរលើគោលការណ៍ស្ម័គ្រចិត្ត ។ បើទោះបីមានវ៉ាក់សាំងក្តីតែសម្តេចតេជោ បានអំពាវនាវប្រជាពលរដ្ឋបន្តប្រកាន់វិធានរបស់ក្រសួងសុខាភិបាល ក្នុងការការពារជំងឺកូវីដ១៩ ៕
អត្ថបទដោយ ៖ សំណាង
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)