ទីក្រុងវ៉ាស៊ីនតោន ៖ យោងតាមប្រភពទីភ្នាក់ងារសារព័ត៌មាន Channel News Asia ដែលបានចេញផ្សាយនាព្រឹកថ្ងៃទី០១ ខែកុម្ភៈ ឆ្នាំ២០២១ នេះបានចេញផ្សាយថា សហរដ្ឋអាមេរិកអំពាវនាវឱ្យយោធាមីយ៉ាន់ម៉ាដោះលែងលោកស្រី អោងសាន ស៊ូជី និងក្រុមមន្ត្រីជាច្រើនរូបទៀតនៃរដ្ឋាភិបាលរបស់លោកស្រីដែលត្រូវបានចាប់ឃុំខ្លួនឱ្យមានសេរីភាពឡើងវិញជាបន្ទាន់ បើមិនដោះលែងទេអាមេរិកនឹងចាត់វិធានការឆ្លើយតបវិញជាក់ជាមិនខាន ។
អ្នកនាំពាក្យក្រសួងការបរទេសអាមេរិកលោកស្រី ចេន ផ្សាគី (Jen Psaki) បានគូសបញ្ជាក់យ៉ាងដូច្នេះថា ៖ «សហរដ្ឋអាមេរិកប្រឆាំងជំទាស់ជាដាច់ខាតទៅនឹងរាល់ការប៉ុនប៉ងកែប្រែលទ្ធផលបោះឆ្នោតកាលពីពេលថ្មីៗនេះ ឬការបំផ្លាញលទ្ធិប្រជាធិបតេយ្យ ហើយយើងនឹងចាត់វិធានការឆ្លើយតប ទៅនឹងអ្នកទទួលខុសត្រូវទាំងឡាយ ប្រសិនបើពួកគេមិនព្រមបកក្រោយវិញទេនោះ»។
អ្នកនាំពាក្យក្រសួងការបរទេសអាមេរិកលោកស្រី ចេន ផ្សាគី (Jen Psaki) បានបន្ថែមទៀតថា សហរដ្ឋអាមេរិកជំរុញ និងលើកទឹកចិត្តឱ្យគ្រប់ភាគីទាំងអស់ចូលរួមលើកកម្ពស់លទ្ធិប្រជាធិបតេយ្យ និងនីតិរដ្ឋ ។
គួរបញ្ជាក់ថា យោធាមីយ៉ាន់ម៉ាបានក្ដោបក្ដាប់អំណាច និងគ្រប់គ្រងស្ថានការណ៍បានទាំងស្រុងហើយ ជាមួយការប្រកាសដាក់ប្រទេសក្នុងគ្រាអាសន្នរយៈពេលមួយឆ្នាំ បន្ទាប់ពីពួកគេចាប់ឃុំខ្លួនលោកស្រី ស៊ូជី និងមន្ត្រីជាន់ខ្ពស់របស់លោកស្រីជាច្រើនរូបទៀត ។ យោធាមីយ៉ាន់ម៉ា អះអាងថាអ្វីដែលពួកគេបានធ្វើគឺជាការឆ្លើយតបទៅនឹងការបោះឆ្នោត កាលពីថ្ងៃទី០៨ ខែវិច្ឆិកា ឆ្នាំ២០២០ ដែលពួកគេចោទថាត្រូវបានលួចបន្លំ ៕
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)