យោងតាមប្រភពពីទីភ្នាក់ងារសារព័ត៌មាន Channel News Asia ដែលបានចេញផ្សាយនាព្រឹកថ្ងៃទី០៥ ខែកុម្ភៈ ឆ្នាំ២០២១ បានចេញផ្សាយថា ប្រធានាធិបតីសហរដ្ឋអាមេរិកលោក ចូ បៃដិន បានប្រកាសទាមទារឱ្យអគ្គមេបញ្ជាការយោធាមីយ៉ាន់ម៉ាលោក មីន អោង ហ្លេង (Min Aung Hlaing) ចុះចេញពីអំណោច និងដោះលែងអ្នកនយោបាយនានាដែលត្រូវបានចាប់ខ្លួន ។
លោក ចូ បៃដិន ប្រធានាធិបតីសហរដ្ឋអាមេរិកបានថ្លែងចេញពីរដ្ឋធានីវ៉ាស៊ីនតោនយ៉ាងដូច្នេះថា ៖ «គ្មានការសង្ស័យនោះទេ... នៅក្នុងប្រទេសប្រជាធិបតេយ្យមួយ កម្លាំង (យោធា) មិនគួរព្យាយាមផ្តួលរំលំឆន្ទៈប្រជាជន ឬប៉ុនប៉ងលុបបំបាត់លទ្ធផលនៃការបោះឆ្នោត ដែលត្រូវបានទទួលស្គាល់នោះឡើយ» ។
ប្រធានាធិបតីអាមេរិកខាងលើបានសង្កត់ធ្ងន់ទៀតថា ៖ «យោធាភូមាគួរតែបោះបង់អំណាច ដែលខ្លួនបានរឹបអូស, ដោះលែងក្រុមមេដឹកនាំ អ្នកស៊ូមតិ និងសកម្មជន, ដកការរឹតត្បិតចេញពីប្រព័ន្ធទូរគមនាគមន៍ និងជៀសវាងការបង្កអំពើហិង្សា» ។
ក្រៅពីប្រកាសថា សហរដ្ឋអាមេរិកកំពុងពិចារណាដាក់ទណ្ឌកម្មនោះទីក្រុងវ៉ាស៊ីនតោនក៏កំពុងតែអំពាវនាវឱ្យសហគមន៍អន្តរជាតិរួមគ្នាថ្កោលទោសទៅលើអ្វីដែលបាននឹងកំពុងកើតឡើងនៅក្នុងប្រទេសមីយ៉ាន់ម៉ាផងដែរ ៕
អត្ថបទដោយ ៖ សំណាង
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)