កាន់តែក្តៅគគុកហើយ ! ប្រជាជនមីយ៉ាន់ម៉ារាប់ពាន់នាក់ចេញធ្វើបាតុកម្មរង្គើរប្រទេស

យោងតាមប្រភពពីទីភ្នាក់ងារសារព័ត៌មាន Reuters បានចេញផ្សាយនារសៀល ថ្ងៃទី០៦ ខែកុម្ភៈ ឆ្នាំ២០២១ ថាក្នងទីក្រុងរ៉ង់ហ្គូន ប្រទេសមីយ៉ាន់ម៉ាកំពុងតែរង្គោះរង្គើជាខ្លាំងដោយសារតែប្រជាជនរាប់ពាន់នាក់បានចេញធ្វើបាតុកម្មដើម្បីថ្កោលទោសរដ្ឋប្រហារ និងទាមទារឱ្យដោះលែងលោកស្រី អ៊ុង សានស៊ូជី ជាបន្ទាន់ ។

តាមប្រភពពីទីភ្នាក់ងារសារព័ត៌មាន Reuters បានឱ្យដឹងថា នេះជាលើកទី១ហើយដែលប្រជាជនមីយ៉ាន់ម៉ាប្រមូលផ្តុំគ្នាធ្វើបាតុកម្មដោយមានលើកផ្ទាំងបដាដោយសរសេរថា ៖ «ប្រឆាំងនឹងរបបយោធាផ្តាច់ការ» និងស្រែកបន្ទរសម្លេងជាពាក្យស្លោកថា ៖ «យោធាផ្តាច់ការបរាជ័យ ប្រជាធិបតេយ្យឈ្នះៗ» ។

ការប្រមូលផ្តុំរបស់ប្រជាជនមីយ៉ាន់ម៉ារាប់ពាន់នាក់នេះគឺដើម្បីអំពាវនាវទាមទារឱ្យយោធាដោះលែងលោកស្រី អ៊ុង សានស៊ូជី និងមន្ត្រីជាន់ខ្ពស់នៃរដ្ឋាភិបាលរបស់លោកស្រីឱ្យមានសេរីភាពឡើងវិញផងដែរ ៕

អត្ថបទដោយ ៖ សំណាង