យោងតាមប្រភពពីទីភ្នាក់ងារសារព័ត៌មាន BBC បានចេញផ្សាយថា នារីវ័យម្នាក់ឈ្មោះ Mya Thwe Thwe Khaing វ័យ២០ឆ្នាំ ដែលសកម្មជនក្នុងសកម្មភាពបាតុកម្មតវ៉ានឹងរដ្ឋប្រហារយោធាមីយ៉ាន់ម៉ា បានរងរបួស និងត្រូវបញ្ជូនទៅសង្គ្រោះនៅមន្ទីរពេទ្យកាលពីសប្តាហ៍មុន ពេលនេះនាងបានទទួលមរណភាពហើយកាលពីវេលាម៉ោង១១ និង០០នាទីព្រឹក (ម៉ោងនៅមីយ៉ាន់ម៉ា) ។
តាមប្រភពពី BBC ប្រចាំនៅមីយ៉ាន់ម៉ាបានឱ្យដឹងថា បងប្រុសរបស់នារីវ័យក្មេងដែលបានស្លាប់នេះមិនបាននិយាយអ្វីនោះទេដោយគ្រាន់តែបង្ហាញនូវអារម្មណ៍កើតទុក្ខដោយបានបាត់បង់ប្អូនស្រីជាទីស្រលាញ់របស់ខ្លួនតែម្តង ។
សូមបញ្ជាក់ផងដែរថា នារីវ័យក្មេងជាសកម្មជនតវ៉ានឹងរដ្ឋប្រហារយោធានៅមីយ៉ាន់ម៉ាដែលស្លាប់នេះបានរងរបួសត្រង់ក្បាល ហើយបើតាមការបញ្ជាក់របស់ក្រុមការពារសិទ្ធិមនុស្សរបស់មីយ៉ាន់ម៉ានិយាយថា របួសរបស់នាងរងគ្រោះដោយសារតែគ្រាប់កាំភ្លើងរបស់ប៉ូលិស ហើយអាជ្ញាធររបស់យោធាមីយ៉ាន់ម៉ានឹងស៊ើបអង្កេតលើករណីនេះ ៕
អត្ថបទដោយ ៖ សំណាង
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)