ផ្ទុះកូវីដទ្រង់ទ្រាយធំ ! ត្រឹម១០ម៉ោងកម្ពុជារកឃើញអ្នកឆ្លងកូវីដ១៩ក្នុងសហគមន៍៣២​ករណី​

រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រកាសជាបន្ទាន់ក្នុងការផ្សាយបន្តផ្ទាល់ពិសេសនាព្រឹកថ្ងៃទី២០ ខែកុម្ភៈ ឆ្នាំ២០២១នេះថា ក្នុងរយៈពេលតែ១០ម៉ោងមានឆ្លងកូវីដ១៩ក្នុងសហគមន៍ចំនួន៣២ករណី ។ 

សម្តេចតេជោប្រមុខរាជរដ្ឋាភិបាលបានបន្ថែមថា ការផ្ទុះនេះចាប់ផ្តើមពីចំណុចនៅក្លឹបកម្សាន្ត N8 ដោយសារតែមានអ្នកដែលចង់ចេញទៅក្រៅប្រទេសហើយបានស្នើរសុំវិញ្ញាបនប័ត្រពិនិត្ររកកូវីដ១៩ ។ សម្តេចតេជោបានចាត់ទុកថានេះជាករណីឆ្លងសហគមទ្រង់ទ្រាយធំលើកទី៣ក្នុងប្រទេសកម្ពុជា ។

សម្តេចក៏បានបញ្ជាក់ផងដែរថា ក្លឹបកម្សាន្ត និងអគារស្នាក់នៅមួយចំនួននឹងត្រូវបានបិទជាបណ្តោះអាសន្ន ជាមួយគ្នានេះដែរ ក៏មានការបិទមិនឱ្យចេញចូលទាំងស្រុងនៅក្នុងកោះពេជ្រផងដែរ បន្ទាប់ពីសង្ស័យរកឃើញករណីឆ្លងកូវីដ ១៩ ៕

អត្ថបទដោយ ៖ សំណាង