YCHគ្រុបនិងក្រសួងសាធារណការនិងដឹកជញ្ជូនបានចុះហត្ថលេខាក្នុងការអភិវឌ្ឍន៍មណ្ឌលភ័ស្តុភារនៃភ្នំពេញ

YCH គ្រុបរបស់ប្រទេសសាំងហ្គាពួរនិងក្រសួងសាធារណការនិងដឹកជញ្ជូននៃប្រទេសកម្ពុជាបានចុះហត្ថលេខាលើកិច្ចព្រមព្រៀងក្នុងការអភិវឌ្ឍន៍មណ្ឌលភ័ស្តុភារនៃរាជធានីភ្នំពេញ នៅក្រោមលក្ខខណ្ឌដែល YCH នឹងធ្វើការរៀបចំអភិវឌ្ឍន៍និងប្រតិបត្តិការលើមជ្ឈមណ្ឌលភ័ស្តុភារនៃភ្នំពេញតែម្តង ។

មជ្ឈមណ្ឌលភ័ស្តុភារនៃភ្នំពេញគឺជាផ្នែកមួយនៃគំនិតផ្តួចផ្តើមនៃកំណើនទំនាក់ទំនងដ៏វៃឆ្លាតហើយវាក៏ជាគម្រោងទី ២ ក្រោមបណ្តាញភ័ស្តុភារវៃឆ្លាតនៃអាស៊ានផងដែរ។ វាត្រូវបានគេរំពឹងថានឹងជួយពង្រឹងទំនាក់ទំនងរបស់ប្រទេសកម្ពុជាជាមួយនឹងលំហូរពាណិជ្ជកម្មក្នុងតំបន់ឲ្យកាន់តែទូលំទូលាយជាពិសេសជាមួយនឹងចំណោមបណ្តាប្រទេសនៃទន្លេមេគង្គ និងតំបន់ភាគនិរតីនៃប្រទេសចិនក្នុងការចូលរួមចំណែកដល់កំណើនសេដ្ឋកិច្ចរយៈពេលវែងរបស់ប្រទេសកម្ពុជា។

គម្រោងនេះត្រូវបានទទួលការចាប់អារម្មណ៍យ៉ាងខ្លាំងពីប្រព័ន្ធអេកូឡូស៊ីហិរញ្ញប្បទានហេដ្ឋារចនាសម្ព័ន្ធអន្តរជាតិជាមួយស្ថាប័នហិរញ្ញវត្ថុដូចជាសាជីវកម្មហិរញ្ញវត្ថុអន្តរជាតិដែលជាសមាជិកនៃក្រុមធនាគាររបស់ពិភពលោក ព្រមជាមួយ Clifford Capital Pte Ltd ដែលជាអ្នករៀបចំនូវជំនាញនិងជាអ្នកផ្តួចផ្តើមគម្រោង ព្រមទាំងដំណោះស្រាយហិរញ្ញវត្ថុដែលមានរចនាសម្ពន្ធ័នៅក្នុងការផ្តល់មូលនិធិដល់ផ្នែកផ្សេងៗនៃគម្រោងនេះ។