ចំណេះដឹងនៃការវិនិយោគ! គោលនយោបាយនៃធានាជួលត្រឡប់មកវិញនៅកម្ពុជាក្នុងឆ្នាំ 2023

ទីផ្សារអចលនទ្រព្យនៅកម្ពុជាកំពុងមានគុណតម្លៃដែលគួរឲ្យទទួលស្គាល់។ ដោយសារតែគុណសម្បត្តិដ៏ទូលំទូលាយនៃទ្រព្យសកម្មប្រាក់ដុល្លារអាមេរិក ប្លង់រឹង គ្មានការគ្រប់គ្រងលើការប្តូរប្រាក់បរទេស ភាគលាភប្រជាសាស្ត្រ និងប្រាក់ចំណេញខ្ពស់លើការវិនិយោគ ដែលនេះទាក់ទាញអ្នកវិនិយោគមកពីជុំវិញពិភពលោក។

ដើម្បីទាក់ទាញអ្នកទិញកាន់តែច្រើន អ្នកអភិវឌ្ឍន៍អចលនទ្រព្យមួយចំនួនផ្តល់ការធានាជួលត្រឡប់មកវិញ (GRR) ប្រសិនបើអ្នកចង់វិនិយោគលើអចលនទ្រព្យនៅប្រទេសកម្ពុជាតាមទស្សនៈនៃការជួលត្រឡប់មកវិញ អ្នកអាចនឹងពិនិត្យមើលការណែនាំវិនិយោគរបស់Compassខាងក្រោម។

១. តើ "ការធានាជួលត្រឡប់មកវិញ" មានន័យដូចម្តេច?

GRR ដែលជាអក្សរកាត់នៃការធានាលើការជួលត្រឡប់មកវិញ នេះគឺជាវិធីសាស្រ្តទិញទៅសម្រាប់ជួលតែមួយគត់ដែលក្រុមហ៊ុនអភិវឌ្ឍន៍ធានាប្រាក់ចំណូលពីការជួលរបស់អ្នកទិញពីអចលនទ្រព្យសម្រាប់រយៈពេលដែលបានបញ្ជាក់នៅក្នុងកិច្ចសន្យា។

នេះមានន័យថា ម្ចាស់ដែលទិញអចលនទ្រព្យពីក្រុមហ៊ុនអភិវឌ្ឍន៍ដែលសន្យាថានឹងជួលអចលនទ្រព្យជំនួសអ្នក ហើយបន្ទាប់មកបង់ឱ្យអ្នកនូវប្រាក់ចំណូលពីការជួល។

ជាធម្មតា GRR នឹងមានរយៈពេលកំណត់ (២-១០ ឆ្នាំ) និងអត្រាភាគរយថេរដែលបានត្រឡប់មកវិញ។

២. អត្ថប្រយោជន៍នៃការទិញគម្រោងដែលផ្ដល់ជូន GRR?

- ការវិនិយោគមិនសូវមានបញ្ហា និងគ្មានកង្វល់។ ជាធម្មតា អចលនទ្រព្យត្រូវបានគ្រប់គ្រងយ៉ាងត្រឹមត្រូវ ដើម្បីធានាបាននូវអត្រាកាន់កាប់អតិបរមាសម្រាប់ការជួល ម្ចាស់ត្រូវចំណាយកម្លាំងច្រើនដើម្បីស្វែងរកអ្នកជួលដោយខ្លួនឯង ឬប្រគល់ទៅឲ្យភ្នាក់ងារណាមួយ ប្រសិនបើអចលនទ្រព្យនោះត្រូវបានជួលដោយក្រុមហ៊ុនអភិវឌ្ឍន៍ ម្ចាស់មិនចាំបាច់ត្រូវ ចំណាយពេលច្រើន និងមានបញ្ហាផ្សេងៗនោះទេ។

- លំហូរសាច់ប្រាក់វិនិយោគមានស្ថិរភាព។ បើគ្មានអ្នកជួលទេ ម្ចាស់អាចបាត់បង់ប្រាក់ចំណូលដែលមានសក្តានុពល។ ប៉ុន្តែជាមួយនឹងការធានាការជួលត្រលប់មកវិញ ម្ចាស់អចលនទ្រព្យនឹងមានលំហូរសាច់ប្រាក់ថេរក្នុងអំឡុងពេលនេះ ដោយមានក្រុមហ៊ុនអភិវឌ្ឍន៍សម្រួលលើរឿងនេះ។

៣. តើមានហានិភ័យក្នុងការទិញគម្រោងដែលមាន GRR ដែរឬទេ?

ជាដំបូង យើងគួរតែដឹងថា គ្មានអ្វីដែលអាចប្រាកដបាន ១០០% នៅក្នុងទីផ្សារវិនិយោគនោះទេ វាគ្រាន់តែជាបញ្ហានៃប្រូបាប៊ីលីតេប៉ុណ្ណោះ។

ទីពីរ ការវិនិយោគលើអចលនទ្រព្យអាចទំនងជាត្រូវបានលក់បន្តនៅពេលក្រោយ ហើយទទួលបានភាពខុសគ្នានៃការកើនឡើងតម្លៃផ្ទះ និងប្រាក់ចំណូលពីការជួលក្នុងរយៈពេលប៉ុន្មានឆ្នាំចុងក្រោយលើការកាន់កាប់អចលនទ្រព្យ។ ទោះជាយ៉ាងណាក៏ដោយពេលវេលាផុតកំណត់នៃគម្រោង GRR ដូចគ្នាគឺដូចគ្នា។ ប្រសិនបើម្ចាស់ចាប់ផ្តើមលក់បន្តក្នុងពេលតែមួយ នោះនឹងមានចំនួនច្រើននៃអចលនទ្រព្យស្រដៀងគ្នានៅលើទីផ្សារ ហើយប្រូបាប៊ីលីតេនៃការលក់បន្តដោយជោគជ័យក៏នឹងត្រូវបានកាត់បន្ថយ។

៤. តើគម្រោងណាខ្លះក្នុងប្រទេសផ្ដល់ជូន GRR?

▌Yuetai Phnom Penh Harbour

គម្រោងយៀកថៃកំពង់ផែភ្នំពេញស្វយ័ត (Yuetai Phnom Penh Harbor) មានទីតាំងនៅតាមដងទន្លេសាប ជាគម្រោងដែលមានការរួមបញ្ចូលជាច្រើនក្នុងទីក្រុងដែលរួមបញ្ចូលនូវអាផាតមេនប្រណីត សណ្ឋាគារលំដាប់ផ្កាយប្រាំ អគារការិយាល័យលំដាប់ A និងហាងមាសជាដើម។

ប្រភេទយូនីត : ខុនដូ 2S (ស្ទូឌីយ៉ូ-បន្ទប់គេង ៣) ទំហំ ៥០-១០៦㎡

គោលការណ៍ GRR៖

① ផ្តល់ GRR រយៈពេល ៥ ឆ្នាំ ជាមួយនឹងអត្រានៃការជួលត្រឡប់មកវិញ

 ៨% ក្នុងមួយឆ្នាំ។

② ប្រាក់ចំណេញសរុបនៃការវិនិយោគគឺ ៤០% ហើយ 40% នៃប្រាក់ចំណូលអាចត្រូវបានកាត់ចេញពីការបង់ថ្លៃផ្ទះសរុប ដែលមានន័យថាអ្នកត្រូវបង់ត្រឹមតែ ៦០% ប៉ុណ្ណោះសម្រាប់ការទូទាត់ថ្លៃផ្ទះសរុប។

③ ប្រសិនបើមិនចង់កាត់ក្នុងបង់ថ្លៃផ្ទះទេ អ្នកអាចចរចាជាមួយក្រុមហ៊ុនអភិវឌ្ឍន៍អំពីពេលប្រមូលប្រាក់ ដែលអាចមានអត្រា ៨% ក្នុងមួយឆ្នាំ ឬ ៤០% ក្នុងពេលមួយបន្ទាប់ពី ៥ ឆ្នាំ។ 

▌Wealth Mansion

គម្រោង Wealth Mansion មានទីតាំងនៅស្ពានមិត្តភាពកម្ពុជា-ជប៉ុន ក្នុងខណ្ឌជ្រោយចង្វារ ដែលមានកម្ពស់សរុប ១៦៦ ម៉ែត្រ និង ៤៥ ជាន់ពីលើដី ដែលរួមមានទាំងខុនដូបែបសណ្ឋាគារ និងសណ្ឋាគារលំដាប់ផ្កាយប្រាំ។

ប្រភេទនៃយូនីត៖ បន្ទប់គេងប្រភេទស្ទូឌីយោ- ៣ បន្ទប់គេង ទំហំ ៦២-១២៨㎡

គោលការណ៍ GRR៖

① ផ្តល់ GRR រយៈពេល ៣ ឆ្នាំ ជាមួយនឹងអត្រានៃការត្រឡប់មកវិញ ៧% ក្នុងមួយឆ្នាំ។

② ការត្រឡប់មកវិញនៃការវិនិយោគសរុបគឺ ២១% ដែលនឹងត្រូវបង់ដោយក្រុមហ៊ុនអភិវឌ្ឍន៍បន្ទាប់ពី ៣ ឆ្នាំ;

③ ប្រសិនបើអ្នកចង់ស្នើយកមុនឆ្នាំកំណត់ អត្រានៃការត្រឡប់មកវិញគឺត្រឹមតែ ៥% ក្នុងមួយឆ្នាំ ហើយចំនួនសរុបគឺ ១៥% ។

▌Diamond Bay Garden

គម្រោង Diamond Bay Garden មានទីតាំងនៅកោះពេជ្រ រីករាយនឹងទេសភាពដ៏ស្រស់ត្រកាលលើទន្លេទាំងបី គឺទន្លេមេគង្គ ទន្លេសាប និងទន្លេបាសាក់។ គម្រោងនេះមានអគារខ្ពស់ចំនួនបី ដែលតភ្ជាប់ដោយស្ពានអាកាសចំនួនពីរ ដែលមានយូនីតខុនដូចំនួន ៥៩១ ចាប់ពីជាន់ទី ៣ ដល់ទី ៣៧ ។

ប្រភេទបន្ទប់៖ មានពី ១-៣ បន្ទប់គេង ទំហំ ៥៩㎡-១៦៩㎡

គោលការណ៍ GRR៖

① ផ្តល់ GRR 5 ឆ្នាំ;

② ប្រសិនបើក្រុមហ៊ុនអភិវឌ្ឍន៍បង់ប្រាក់ចំណូលប្រចាំឆ្នាំ អត្រានៃការទូទាត់គឺ ៦%, ៦.៥%, ៧%, ៧.៥%, ៨%, ហើយប្រាក់ចំណូលសរុបគឺ ៣៥%;

③ បើអ្នកអភិវឌ្ឍន៍សងវិញក្នុងពេលតែមួយសរុបយកតែម្ដង ប្រាក់ចំណូលសរុបគឺត្រឹមតែ ២៥% ប៉ុណ្ណោះ។

▌LIXIN CEO Center

គម្រោង Lixin CEO Center មានទីតាំងនៅជិតទីស្តីការគណៈរដ្ឋមន្ត្រី ក្នុងខណ្ឌ៧មករា មានកម្ពស់ ៣៣ជាន់ ស្មើនឹង ១៣០ម៉ែត្រ ជាមួយនឹងការរចនាអគារភ្លោះ A&B។ វាជាអគារពាណិជ្ជកម្ម និងលំនៅឋានដែលរួមបញ្ចូលជាន់ខុនដូធំ អគារការិយាល័យលំដាប់ខ្ពស់ និងអាផាតមេនបែបសណ្ឋាគារលំដាប់ផ្កាយប្រាំ។

ប្រភេទយូនីត៖ ទំហំអគារការិយាល័យ ៧៣-៤០០㎡, ទំហំខុនដូ ៤៦-១៣៨㎡(មានបន្ទប់ ស្ទូឌីយ៉ូ- ២ បន្ទប់គេង);

គោលការណ៍ GRR៖

① ផ្តល់ GRR រយៈពេល ២០ ឆ្នាំសម្រាប់អាផាតមេន Wyndham Hotel

② អត្រាត្រឡប់មកវិញសម្រាប់រយៈពេល ៥ ឆ្នាំដំបូងគឺថេរនៅក្នុងតម្លៃ $១៨.៧/㎡ ហើយបន្ទាប់ពីកាត់ថ្លៃសណ្ឋាគារក្នុងរយៈពេល ៥ ឆ្នាំខាងមុខ ម្ចាស់ទទួលបាន ៧០% ហើយខាងសណ្ឋាគារ Wyndham នឹងទទួលបាន ៣០% ។

▌Prince Happiness Plaza

គម្រោង Prince Happiness Plaza មានទីតាំងនៅជាប់មហាវិថីព្រះមុនីវង្ស ដែលជាតំបន់ពាណិជ្ជកម្មដ៏មមាញឹកក្នុងរាជធានីភ្នំពេញ។ គម្រោងមានខុនដូប្រណីត [MERRYLAND] និងអគារអាជីវកម្ម [SKYRISE]។

ប្រភេទបន្ទប់៖ ស្ទូឌីយោ-២ បន្ទប់គេង និងទំហំ ៣២-៩៦㎡

គោលការណ៍ GRR៖

- ផ្តល់ជូន GRR រយៈពេល ៥ ឆ្នាំ ហើយអត្រានៃការជួលត្រឡប់មកវិញគឺ ៦% ក្នុងមួយឆ្នាំ

▌Prince Huan Yu Center

គម្រោង Prince Huan Yu Center ដែលមានទីតាំងនៅខាងជើងស្ថានទូតរុស្ស៊ី ហើយនៅជាប់នឹងតំបន់បឹងកេងកង១ មានអគារការិយាល័យ អាផាតមេន ផេនហោស៍ និងតំបន់ពាណិជ្ជកម្ម។

ប្រភេទយូនីត៖ បន្ទប់ស្ទូឌីយោ-៣ បន្ទប់គេង និងមានទំហំ ៣២-១០៥㎡

គោលការណ៍ GRR៖

① ផ្តល់ GRR រយៈពេល ២ ឆ្នាំ ជាមួយនឹងអត្រាត្រឡប់មកវិញសរុប ១៦%

② អ្នកអាចសម្រេចចិត្តកាត់វាជាមួយនឹងការបញ្ចុះតម្លៃផ្ទះសរុប ឬទទួលបានបន្ទាប់ពី ២ ឆ្នាំដែលបានកំណត់។

▌Vue Aston

គម្រោង Vue Aston មានទីតាំងនៅមាត់ទន្លេមេគង្គក្នុងរាជធានីភ្នំពេញ ប្រឈមមុខនឹងទីក្រុងកោះពេជ្រ (តំបន់ពាណិជ្ជកម្មកណ្ដាលCBD ) ឆ្លងកាត់ទន្លេបាសាក់។ គម្រោងនេះមានកម្ពស់ ១៤០ ម៉ែត្រ និងមាន ៣៨ ជាន់។ ជាអគារដ៏ទំនើបមួយក្នុងទីក្រុងភ្នំពេញ ដែលរួមបញ្ចូលទាំងខុនដូ និងសណ្ឋាគារ។

ប្រភេទយូនីត៖ ស្ទូឌីយោ-៣ បន្ទប់គេង ជាមួយទំហំ ៣១-១៦៧㎡

គោលការណ៍ GRR៖

① ផ្តល់ GRR ៥-១០ ឆ្នាំ

② សម្រាប់រយៈពេល ៥ ឆ្នាំ៖ ក្រុមហ៊ុនអភិវឌ្ឍន៍នឹងបង់អត្រាថេរនៃប្រាក់ចំណូលរៀងរាល់ ៣ ខែម្តង ដោយផ្ដល់ជូន អត្រា៥% ក្នុងឆ្នាំដំបូង (ដែលស្មើនឹង១.២៥% ក្នុងមួយត្រីមាស) អត្រា៦% ក្នុងឆ្នាំទីពីរ និង ៧% ពីឆ្នាំទី ៣ ដល់ទី ៥ ។

③ សម្រាប់រយៈពេល ១០ ឆ្នាំ៖ ក្រុមហ៊ុនអភិវឌ្ឍន៍នឹងបង់ភាគរយថេរនៃប្រាក់ចំណូលជារៀងរាល់ឆ្នាំ ដោយមានអត្រា ៥% ក្នុងឆ្នាំដំបូង ៦% នៅឆ្នាំទីពីរ និង ៧% ពីឆ្នាំទីបីដល់ឆ្នាំទីដប់។

▌Le Condé BKK1

គម្រោង Le Condé BKK1 មានទីតាំងនៅក្នុងបរិវេណស្ថានទូត តំបន់បឹងកេងកង១ ដែលជាផ្នែកកណ្តាលនៃរាជធានីភ្នំពេញ ដែលមានកម្ពស់សរុប ១៤៣ ម៉ែត្រ និងជាន់សរុប ៤៣ ជាន់ ដែលជាអាផាតមេនសេវាកម្ម។

ប្រភេទយូនីត៖ បន្ទប់គេងស្ទូឌីយោ-៣ បន្ទប់គេង ជាមួយទំហំ ៣៧-១៦៦㎡

គោលការណ៍ GRR៖

① ផ្តល់ជូន GRR រយៈពេល ៣ ឆ្នាំ ជាមួយនឹងអត្រានៃការជួលត្រឡប់មកវិញ ៨% ក្នុងមួយឆ្នាំ។

② ផ្តល់ជូនតាមដំណាក់កាល៖ អ្នកអភិវឌ្ឍន៍នឹងបង់ប្រាក់ប្រចាំឆ្នាំជាមួយនឹង ៦% ក្នុងមួយឆ្នាំ ដែលអត្រាត្រឡប់មកវិញសរុបគឺ ១៨%។

③ ផ្តល់ជូនក្រោយរយៈពេល ៣ ឆ្នាំ៖ ក្រុមហ៊ុនអភិវឌ្ឍន៍នឹងផ្ដល់ជូនពេញ ២៤% ។

▌Morgan Tower

គម្រោង Morgan Tower មានទីតាំងនៅកោះពេជ្រ រាជធានីភ្នំពេញ មានកម្ពស់សរុប ៤៦ជាន់។ ចាប់ពីជាន់ទី ៤ ដល់ទី ៣៤ នៃអគារគឺជាការិយាល័យកម្រិត 5A ទំនើប ដែលមានកន្លែងទទួលភ្ញៀវកម្ពស់ ១២ ម៉ែត្រ និងជណ្តើរយន្តល្បឿនលឿនចំនួន ១៥។ ជាកន្លែងអាជីវកម្មចុងក្រោយដែលអាចប្ដូរតាមបំណងសម្រាប់ឥស្សរជន។

ប្រភេទយូនីត៖ ការិយាល័យមានទំហំប្រហែល ៥៣-២១០㎡

គោលការណ៍ GRR៖

① ផ្តល់ជូណ GRR រយៈពេល ៥ ឆ្នាំ ជាមួយនឹងអត្រានៃការត្រឡប់មកវិញ ៨% ក្នុងមួយឆ្នាំ។

② អ្នកអភិវឌ្ឍន៍នឹងបង់ GRR នៅពេលចុងឆ្នាំជារៀងរាល់ឆ្នាំ

▌Kiri Park Residence & Resort 

គម្រោង គិរីផាក រេស៊ីដិន & រីសត មានទីតាំងនៅក្រុងព្រះសីហនុ ជាគម្រោងវីឡាលំហែធំជាងគេរវាងទីក្រុងភ្នំពេញ និងក្រុងព្រះសីហនុ ហើយក៏ជារមណីយដ្ឋានធម្មជាតិខ្នាតធំរួមបញ្ចូលគ្នានូវសេវាកម្ម ការកម្សាន្ត និងការលំហែលក្ខណៈគ្រួសារផងដែរ។

យូនីតសម្រាប់លក់៖ វីឡា Suite (ទំហំ ៣៣១ ㎡)

គោលការណ៍ GRR៖

① ផ្តល់ GRR រយៈពេល ៥ ឆ្នាំ។

② ក្រុមហ៊ុនអភិវឌ្ឍន៍បង់ចំនួនថេរជារៀងរាល់ខែ ១,០០០ ដុល្លារក្នុងមួយខែសម្រាប់ឆ្នាំទីមួយ និងទីពីរ។ ១,២០០ ដុល្លារក្នុងមួយខែសម្រាប់ឆ្នាំទីបី និងទីបួន និង ១,៥០០ដុល្លារ ក្នុងមួយខែសម្រាប់ឆ្នាំទីប្រាំ។

▌STAR BAY

គម្រោង STAR BAY ស្ថិតនៅកណ្តាលក្រុងព្រះសីហនុ ជាប់សណ្ឋាគារសុខា និងមានចម្ងាយតែ ២០០ ម៉ែត្រពីសមុទ្រ។ គឺជាគម្រោងដែលមានការរួមបញ្ចូលដ៏ធំមួយមានផ្សារទំនើប សណ្ឋាគារលំដាប់ផ្កាយប្រាំ កាស៊ីណូ សាលារៀន មន្ទីរពេទ្យ និងផ្លូវពាណិជ្ជកម្ម។

ប្រភេទបន្ទប់៖ ស្ទូឌីយោ/បន្ទប់គេង ១ ក្នុងទំហំ ៣២-៦៥㎡

គោលនយោបាយ GRR៖

① ផ្តល់ជូន GRR សម្រាប់តែយូនីតនៅជាន់ទី ១១ ប៉ុណ្ណោះ។

② តម្លៃជួលស្ទូឌីយោក្នុងតម្លៃ ៣៨០ ដុល្លារក្នុងមួយខែ តម្លៃជួលបន្ទប់គេង 1 នៅតម្លៃ ៨៥០ ដុល្លារក្នុងមួយខែ។

▌Rose Apple Square

គម្រោង Rose Apple Square គឺជាទីលានសហគមន៍ដ៏រស់រវើកដែលមានទីតាំងនៅកណ្តាលក្រុងសៀមរាប ហ៊ុំព័ទ្ធដោយកន្លែងទេសចរណ៍ជាច្រើន និងនៅជិតផាប់ស្រ្ទីត (Pub Street) ទៀតផង។

ប្រភេទឯកតា៖ បន្ទប់គេង១-២ និងទំហំ ៣២-៧២㎡

គោលនយោបាយ GRR៖

① ផ្តល់ជូន GRR រយៈពេល ៣ ឆ្នាំ ជាមួយនឹងអត្រាសរុប ៧%

② អ្នកអភិវឌ្ឍន៍បង់ប្រាក់ចំណូលចាប់ផ្តើមពី ៣ ខែបន្ទាប់ពីការប្រគល់ផ្ទះ

③ ផ្ដល់ជូនសម្រាប់តែអតិថិជនដែលជ្រើសរើសបង់តម្លៃផ្ទះផ្ដាច់តែម្ដងប៉ុណ្ណោះ។

▌The Sky Park

គម្រោង ស្កាយផាក (The Sky Park) ដែលមានទីតាំងនៅជិតផ្លូវជាតិលេខ៦ និងផ្លូវក្រវ៉ាត់ក្រុងវិទ្យាល័យគ្រួស អគារអាផាតមេននីមួយៗមានកម្ពស់ ៥ ជាន់ និងមាន ១០ យូនីតក្នុងមួយជាន់ៗ។

ប្រភេទបន្ទប់៖ ១-៣ បន្ទប់គេង

គោលការណ៍ GRR៖

① ផ្តល់ GRR សម្រាប់ការបង់ផ្ដាច់តែម្តងប៉ុណ្ណោះ។

② ប្រាក់ចំណូលវិនិយោគសរុបគឺ ៦% ហើយក្រុមហ៊ុនអភិវឌ្ឍន៍នឹងបង់សរុបតែម្តងបន្ទាប់ពីការសាងសង់ត្រូវបញ្ចប់។

▌Golf Harmony 

គម្រោង Golf Harmony ស្ថិតនៅក្នុងជ្រលងភ្នំកំពតយ៉ាងស្ងប់ស្ងាត់ ហើយហ៊ុំព័ទ្ធដោយព្រៃព្រឹក្សា។ ជាគម្រោងផ្ទះវីឡាវិស្សមកាល និងមានចម្ងាយ ១៥ គីឡូម៉ែត្រពីក្រុងកំពត។

ប្រភេទផ្ទះវីឡា៖ ទំហំ ១៦ ម៉ែត្រ គុណនឹង ១៩ ម៉ែត្រ

គោលការណ៍ GRR៖

① ផ្តល់ជូន GRR រយៈពេល ៣ ឆ្នាំ ជាមួយនឹងអត្រាត្រឡប់មកវិញសរុប ៨%;

② ក្រុមហ៊ុនអភិវឌ្ឍន៍នឹងបង់ប្រាក់ចំណូលក្នុងរយៈពេល ៣ ឆ្នាំបន្ទាប់ពីកាលបរិច្ឆេទប្រគល់ផ្ទះ។

សរុបសេចក្តីមក មានគម្រោងជាច្រើននៅក្នុងប្រទេសកម្ពុជានាពេលបច្ចុប្បន្នដែលផ្ដល់ជូននូវគោលការណ៍ការធានាជួលត្រឡប់មកវិញ ដែលគ្របដណ្តប់លើប្រភេទអចលនទ្រព្យជាច្រើនដូចជា ខុនដូ អគារការិយាល័យ និងផ្ទះវីឡា ដែលមានជម្រើសច្រើនយ៉ាង។ ទន្ទឹមនឹងនេះ អត្រាការជួលត្រលប់មកវិញនៃអចលនទ្រព្យនៅប្រទេសកម្ពុជាស្ថិតក្នុងកម្រិតឈានមុខគេក្នុងបណ្តាប្រទេសអាស៊ីអាគ្នេយ៍ដែលមានគុណសម្បត្តិក្នុងការវិនិយោគយ៉ាងជាក់លាក់។ លើសពីនេះ អចលនទ្រព្យនៅប្រទេសកម្ពុជាគឺជាទ្រព្យសម្បត្តិដែលអាចចាយដុល្លារអាមេរិកតែមួយគត់នៅក្នុងតំបន់អាស៊ីអាគ្នេយ៍ ហើយលទ្ធភាពខ្ពស់ក្នុងការទប់ទល់នឹងហានិភ័យ។ សម្រាប់អ្នកដែលចង់វិនិយោគក្នុងវិស័យអចលនទ្រព្យនៅប្រទេសកម្ពុជាអាចស្វែងយល់បន្ថែមពីអត្ថបទខាងលើនេះបាន។

—————ចប់—————