ស្វែងយល់អំពីគោលការណ៍ថ្មីក្នងការធានាទិញត្រឡប់វិញ​​ ឆ្នាំ 2023

យោងតាមរបាយការណ៍ដែលចេញផ្សាយដោយក្រសួងរៀបចំដែនដី នគរូបនីយកម្ម និងសំណង់ គិតត្រឹមឆ្នាំ ២០២២ ចំនួនប័ណ្ណកម្មសិទ្ធចុះបញ្ជីសម្រាប់ប័ណ្ណកម្មសិទ្ធិរួម (strata)និងអគារសហកម្មសិទ្ធិ (ខុនដូ) បានកើនឡើងដល់ ៦៥,០៣០ ខណៈចំនួនប័ណ្ណកម្មសិទ្ធិសម្រាប់ការចុះបញ្ជី ការផ្ទេរអគារ និងអគារសហកម្មសិទ្ធិជាមួយក្រសួងមានចំនួន ១៥,៥៩០។

នេះមានន័យថាច្រើនជាង ៧៥% នៃយូនីតខុនដូ នៅតែជាកម្មសិទ្ធិរបស់ក្រុមហ៊ុនអភិវឌ្ឍន៍។

នាពេលបច្ចុប្បន្ននេះ ទីផ្សារខុនដូនៅកម្ពុជាមានការផ្គត់ផ្គង់គ្រប់គ្រាន់ ហើយបានជួបប្រទះនឹងបញ្ហាជាច្រើនឆ្នាំជាប់ៗគ្នា ដោយសារជំងឺឆ្លងកូវីដ-១៩។ ដើម្បីលើកកម្ពស់ការលក់ ក្រុមហ៊ុនអភិវឌ្ឍន៍បានចេញផ្សាយគោលការណ៍ផ្សេងៗ ហើយការគាំទ្រសម្រាប់ គោលការណ៍ធានាទិញត្រលប់វិញ (GBB) គឺជាផ្នែកមួយផងដែរ។

〉〉〉អត្ថន័យនៃការទិញត្រឡប់វិញ (GBB)

ឈ្មោះពេញរបស់ “GBB” គឺការធានាទិញត្រលប់វិញ ដោយមានន័យថានៅពេលដែលក្រុមហ៊ុនអភិវឌ្ឍន៍អចលនទ្រព្យលក់ផ្ទះមួយ នឹងសន្យាជាមួយអ្នកទិញក្នុងការទិញអចលនទ្រព្យនោះត្រឡប់វិញក្នុងតម្លៃដែលបានព្រមព្រៀងគ្នាបន្ទាប់ពីរយៈពេលមួយច្បាស់លាស់ណាមួយ។ ប្រភេទនេះគេហៅថាផ្ទះដែលទិញត្រឡប់វិញ។

មនុស្សភាគច្រើនគិតថាការទិញយកមកវិញគឺជាការការពារហានិភ័យសម្រាប់ការវិនិយោគអចលនទ្រព្យនៅបរទេសដែលស្មើនឹងការធានារ៉ាប់រងសម្រាប់ការវិនិយោគ ដូច្នេះអ្នកអាចគ្មានកង្វល់អ្វីឡើយ។ ប៉ុន្តែយើងដឹងថាអត្ថប្រយោជន៍តែងតែអមដោយហានិភ័យដូចគ្នា។ ដូច្នេះ ការធានាទិញ-ត្រឡប់វិញ មានគុណសម្បត្តិ និងគុណវិបត្តិសម្រាប់អ្នកទិញផ្ទះ។

〉〉〉អត្ថប្រយោជន៍នៃការទិញគម្រោងដែលមាន GBB?

១. ការគ្រប់គ្រងហានិភ័យ មិនថាបរិយាកាសសេដ្ឋកិច្ចបែបណានោះទេ ដើមទុកអាចទទួលបានមកវិញតាមពេលវេលាដែលបានព្រមព្រៀងគ្នា ដែលស្មើនឹងការសន្សំប្រាក់បម្រុងសម្រាប់ខ្លួនឯង។ មានន័យថា ប្រសិនបើតម្លៃផ្ទះមួយទឹកធ្លាក់ចុះយ៉ាងខ្លាំងក្នុងរយៈពេលដែលបានព្រមព្រៀងគ្នានោះ យើងអាចលក់ត្រឡប់ទៅក្រុមហ៊ុនអភិវឌ្ឍន៍វិញ ហើយប្រសិនបើតម្លៃឡើងថ្លៃនោះ យើងអាចជ្រើសរើសបន្តកាន់កាប់វាបាន។

២. យើងមិនចាំបាច់ព្រួយបារម្ភអំពីការមិនអាចលក់អចលនទ្រព្យរបស់យើងបានទេ គ្រាន់តែទៅជួបក្រុមហ៊ុនអភិវឌ្ឍន៍ដោយផ្ទាល់។

៣. ប្រសិនបើអចលនទ្រព្យនោះជាផ្ទះដែលមានស្រាប់ យើងអាចជួលផ្ទះនោះរហូតដល់ថ្ងៃដែលលក់ត្រឡប់ទៅគម្រោងវិញ ដើម្បីរកប្រាក់ចំណូលបន្ថែម។

〉〉〉ហានិភ័យនៃការទិញគម្រោងដែលមាន GBB?

១. ពេលវេលាមានកំណត់។ ជាធម្មតា កិច្ចសន្យាទិញត្រឡប់មកវិញរបស់ក្រុមហ៊ុនអភិវឌ្ឍន៍មានពេលវេលាកំណត់ ហើយត្រូវតែអនុវត្តទៅតាមពេលវេលាកំណត់។

៣. ក្រុមហ៊ុនអភិវឌ្ឍន៍ត្រូវក្ស័យធន គម្រោងខ្លះលក់មិនដាច់ ដូច្នេះហើយក្រុមហ៊ុនអភិវឌ្ឍន៍នឹងរៃអង្គាសប្រាក់សម្រាប់ខ្លួនគេតាមរយៈការលក់នូវផ្ទះដែលទិញត្រឡប់វិញនោះ។ ប្រសិនបើក្រុមហ៊ុនអភិវឌ្ឍន៍បានក្ស័យធនក្នុងអំឡុងពេលនេះ ហើយអចលនទ្រព្យមិនអាចប្រគល់បានទេ យើងនឹងប្រឈមមុខនឹងហានិភ័យក្នុងការមិនអាចទទួលបានផ្ទះ បន្ទាប់ពីចំណាយប្រាក់រួចរាល់ហើយនោះ។

〉〉〉តើគម្រោងអចលនទ្រព្យណាមួយដែលផ្ដល់ជូន GBB?

▌គម្រោង LIXIN CEO Center

គម្រោង Lixin CEO Center មានទីតាំងនៅជិតទីស្តីការគណៈរដ្ឋមន្ត្រី ក្នុងខណ្ឌ៧មករា រាជធានីភ្នំពេញ។ គម្រោងមានកម្ពស់ ៣៣ ជាន់ ស្មើនឹង ១៣០ ម៉ែត្រ ហើយគម្រោងត្រូវបានរចនានៅក្នុងអគារភ្លោះ A&B ។

យូនីតសម្រាប់លក់៖ ការិយាល័យ ៧៣-៤០០㎡, ខុនដូ ៤៦-១៣៨㎡, ប្រភេទយូនីតស្ទូឌីយ៉ូ ដល់ បន្ទប់គេង ២

គោលការណ៍ GBB៖ 

- ផ្តល់ជូនគោលការណ៍ធានាទិញត្រឡប់មកវិញរយៈពេល ៥ ឆ្នាំសម្រាប់ខុនដូនៃ Wyndham Hotel ។ នៅឆ្នាំទី ៥ ម្ចាស់អាចជ្រើសរើសស្នើក្រុមហ៊ុនអភិវឌ្ឍន៍ទិញវិញក្នុងតម្លៃទិញដំបូង។

- ផ្តល់ជូនគោលការណ៍ធានាទិញត្រឡប់មកវិញរយៈពេល ១០ ឆ្នាំសម្រាប់ការិយាល័យ នៅឆ្នាំទី ១០ ម្ចាស់អាចជ្រើសរើសស្នើក្រុមហ៊ុនអភិវឌ្ឍន៍ទិញវិញក្នុងតម្លៃទិញដំបូង។

▌គម្រោង Vue Aston

គម្រោង Vue Aston មានទីតាំងនៅមាត់ទន្លេមេគង្គក្នុងរាជធានីភ្នំពេញ ប្រឈមមុខនឹងកោះពេជ្រ តំបន់CBD ឆ្លងកាត់ទន្លេបាសាក់។ គម្រោងនេះមានកម្ពស់ ១៤០ ម៉ែត្រ និងមាន ៣៨ ជាន់។ គម្រោងនេះជាអគារដ៏ទំនើបមួយក្នុងរាជធានីភ្នំពេញ ដែលរួមបញ្ចូលទាំងខុនដូ និងសណ្ឋាគារ។

យូនីតសម្រាប់លក់៖ ប្រភេទយូនីតស្ទូឌីយ៉ូ ដល់ បន្ទប់គេង ៣ មានទំហំពី ៣១-១៦៧㎡

គោលការណ៍ GBB៖

ផ្តល់ជូនគោលការណ៍ធានាទិញត្រឡប់មកវិញរយៈពេល ៥ ឆ្នាំ ហើយចំណុចសំខាន់ខាងក្រោមត្រូវកត់សម្គាល់៖

① អ្នកទិញត្រូវធ្វើសំណើជាផ្លូវការ និងជាលាយលក្ខណ៍អក្សរទៅកាន់ក្រុមហ៊ុនអភិវឌ្ឍន៍ ដោយចេតនារបស់ខ្លួនក្នុងការអនុវត្តជម្រើស ទិញ-ត្រឡប់ មិនលើសពី ៣ ខែមុនម៉ោងប្រតិបត្តិការដែលបានព្រមព្រៀងគ្នា។

② ការទិញត្រឡប់មកវិញនឹងកើតឡើងក្នុងរយៈពេល ៥ ឆ្នាំបន្ទាប់ពីក្រុមហ៊ុនអភិវឌ្ឍន៍ប្រគល់កម្មសិទ្ធិរបស់យូនីតទៅឱ្យអ្នកទិញយោងទៅតាមកិច្ចសន្យាទិញលក់ ឬការប្រគល់សិទ្ធិត្រូវចាត់ទុកថាបានកើតឡើង។

③ តម្លៃទិញមកវិញ ក្រុមហ៊ុនអភិវឌ្ឍន៍នឹងទិញត្រឡប់មកវិញក្នុងតម្លៃដូចគ្នានឹងតម្លៃអ្នកទិញដែលបានកំណត់ក្នុងកិច្ចសន្យាទិញលក់ ។

▌គម្រោង Prince Happiness Plaza

គម្រោង Prince Happiness Plaza មានទីតាំងនៅជាប់មហាវិថីព្រះមុនីវង្ស ដែលជាតំបន់ពាណិជ្ជកម្មដ៏មមាញឹកក្នុងរាជធានីភ្នំពេញ។ គម្រោងមានខុនដូប្រណីត [MERRYLAND] និងអគារអាជីវកម្ម [SKYRISE]។

យូនីតសម្រាប់លក់៖ ប្រភេទយូនីតស្ទូឌីយ៉ូ ដល់បន្ទប់គេង ២ មានទំហំពី ៣២-៩៦㎡

គោលការណ៍ GBB៖ ផ្ផ្តល់ជូនគោលការណ៍ធានាទិញត្រឡប់មកវិញរយៈពេល ៥ ឆ្នាំ ។ បន្ទាប់ពី ៥ ឆ្នាំ ក្រុមហ៊ុនអភិវឌ្ឍន៍នឹងទិញត្រឡប់មកវិញ ១០០% នៃតម្លៃដើម។

▌គម្រោង គិរីផាក រេស៊ីដិន & រីសត

គម្រោង គិរីផាក រេស៊ីដិន & រីសត មានទីតាំងនៅក្រុងព្រះសីហនុ ជាគម្រោងវីឡាលំហែធំជាងគេរវាងទីក្រុងភ្នំពេញ និងក្រុងព្រះសីហនុ ហើយក៏ជារមណីយដ្ឋានធម្មជាតិខ្នាតធំរួមបញ្ចូលគ្នានូវសេវាកម្ម ការកម្សាន្ត និងការលំហែលក្ខណៈគ្រួសារផងដែរ។

យូនីតសម្រាប់លក់៖ វីឡា Suite (ទំហំ ៣៣១ ㎡)

គោលការណ៍ GBB៖ គោលការណ៍ផ្តល់ជូនការធានាទិញត្រឡប់វិញ សម្រាប់យូនីតផ្តល់ជូនពិសេស តម្លៃទិញត្រឡប់មកវិញគឺជាការបន្ថែម ៣ ម៉ឺនដុល្លារអាមេរិក លើតម្លៃក្នុងកិច្ចសន្យាទិញលក់។

〉〉〉គម្រោងគោលការណ៍ផ្តល់ជូនការធានាទិញត្រឡប់វិញផ្សេងគ្នានៅក្នុងទីផ្សារក្រៅប្រទេស?

តាមពិតគម្រោងគោលការណ៍ផ្តល់ជូនការធានាទិញត្រឡប់វិញផ្សេងត្រូវបានប្រើខុសៗគ្នាសម្រាប់អតិថិជនក្នុងស្រុក និងអតិថិជនបរទេស។

សម្រាប់អតិថិជនក្នុងស្រុក ពួកគេចាប់អារម្មណ៍នឹងតម្លៃលំនៅដ្ឋាន និងការវិនិយោគនៃគម្រោង ប៉ុន្តែអតិថិជននៅក្រៅប្រទេសក៏នឹងទទួលបានទិដ្ឋាការ ឬការចូលសញ្ជាតិដោយការទិញអចលនទ្រព្យផងដែរ។

ថ្វីត្បិតតែកម្ពុជាជាប្រទេសតូចក៏ដោយ ប៉ុន្តែការទទួលបានសញ្ជាតិខ្មែរមានអត្ថប្រយោជន៍ជាច្រើន ឧទាហរណ៍៖ អ្នកអាចជាម្ចាស់កម្មសិទ្ធិអចិន្ត្រៃយ៍នៃដីកម្ពុជា ធ្វើដំណើរដោយសេរីក្នុងប្រទេសអាស៊ាន (មិនចាំបាច់មានទិដ្ឋាការ) អនុញ្ញាតឱ្យមានសញ្ជាតិច្រើន មិនពិនិត្យប្រភពនៃដើមទុនហើយមិនចាំបាច់អង្គុយនៅក្នុង "គុកអន្តោប្រវេសន៍" ជាដើម។

អត្ថប្រយោជន៍ពីរនៃកម្មសិទ្ធិលើដីធ្លីជាអចិន្ត្រៃយ៍ និងការចូលទៅកាន់ប្រទេសអាស៊ានដោយសេរី នៅតែទាក់ទាញអ្នកវិនិយោគដែលផ្តោតលើអាស៊ីអាគ្នេយ៍។

ក្នុងចំណោមលក្ខខណ្ឌនៃការចូលសញ្ជាតិក្នុងប្រទេសកម្ពុជាមានចែងយ៉ាងច្បាស់ថាអ្នកស្នើសុំត្រូវមានលំនៅឋានជាមួយនឹងអាសយដ្ឋានអចិន្ត្រៃយ៍ក្នុងប្រទេសកម្ពុជា។

លើសពីនេះ មានសាលាអន្តរជាតិជាច្រើននៅប្រទេសកម្ពុជា រួមមាន សាលាអន្តរជាតិ ISPP, សាលាអន្តរជាតិ ICAN, សាលាអន្តរជាតិ Northbridge (NISC), សាលាអន្តរជាតិកាណាដា (CIS), សាលាអន្តរជាតិ Shrewsbury ភ្នំពេញ ជាដើម ព្រមទាំងទិញផ្ទះនៅជិតសាលា ដើម្បី រួមដំណើរជាមួយកូនៗ ក៏ជាហេតុផលមួយដែលអតិថិជននៅក្រៅប្រទេសជ្រើសរើសទិញអចលនទ្រព្យនៅក្នុងប្រទេសកម្ពុជា។

ជាការពិតណាស់ ដោយមិនគិតពីគោលបំណងក្នុងការទិញគម្រោងដែលមានការធានាទិញត្រឡប់វិញ អ្នកគួរតែជ្រើសរើសដោយប្រុងប្រយ័ត្ន។

————— ចប់ —————