ជាការពិតណាស់ នៅក្នុងដំណើរនៃការស្វែងរកកន្លែងស្នាក់ដែលល្អ និងសាកសមបំផុត វាគឺជារឿងដ៏ពិបាកជាជាងការគិតទៅទៀត។ ដោយហេតុផ្ទះមិនត្រឹមតែជាកន្លែងនៃការសំរាកបន្ទាប់ពីកិច្ចការងារតែប៉ុណ្ណោះទេ តែគឺជាទីកន្លែងដែលផ្តល់សេចក្តីសុខ ភាពសប្បាយចិត្តទៅដល់មនុស្ស ដូចនេះហើយ ថ្ងៃនេះ ខមភើស នឹងធ្វើការចែករំលែកអំពីគន្លឹះសំខាន់ៗនៅក្នុងការស្វែងរកអាផាតមិនជួលក្នុងក្តីស្រមៃ តោះមកអានទាំងអស់គ្នា។
1. ផែនការសេដ្ឋកិច្ច
រៀបចំផែនការសេដ្ឋកិច្ចនៃការចំណាយទៅលើទីកន្លៃងស្នាក់នៅ ជាជាងគិតទៅលើតែតម្លៃនៃឈ្នួលផ្ទះ ផែនការរបស់អ្នកក៏ត្រូវបូកបញ្ចូលទាំងកម្រិតនៃការចំណាយលើថ្លៃទឹកភ្លើង ឧបករណ៍ប្រើប្រាស់និងការចំណាយផ្សេងៗទៀតដែលមានទាក់ទងទៅនឹងការផ្លាស់លំនៅរបស់អ្នក។
2. ការត្រួតពិនិត្យភាពពិតនៃស្តង់ដាគេហដ្ឋាន
ស្តង់ដានៃគេហដ្ឋានគឺជាឯកតាមួយនៅក្នុងការកំណត់តម្លៃនៃអនាគតផ្ទះរបស់អ្នក ហើយនៅក្នុងពេលតែមួយវាក៏ជាកម្រិតនៃការកំំណត់ស្តង់ដាលំនៅ និងជីវិតរបស់អ្នកដូចគ្នាដែរ ហេតុនេះ ប្រភេទសេវាកម្ម និងគ្រឿងបរិក្ខារត្រូវតែជាលក្ខខណ្ឌមួយនៅក្នុងការពិនិត្យ និងពិចារណាពីលំនៅថ្មីរបស់អ្នក។
3. គោលការណ៍នៃការចិញ្ចឹមសត្វ
មិនថាអ្នកមានសត្វចិញ្ចឹម ឬអត់ តែនៅមុនពេលសម្រេចចិត្តលើការជួលនូវអាផាតមិន អ្នកក៏ត្រូវដឹង និងយល់ឱ្យច្បាស់អំពីលក្ខខណ្ឌ និងគោលការណ៍នៃការចិញ្ចឹមសត្វរបស់អគារនៃអាផាតមិនផ្ទាល់។
4. កម្រិតនៃការវាយតម្លៃ និងមតិយល់បល់ក៏ជាកត្តាសំខាន់មួយ
កម្រិតនៃការវាយតម្លៃ និងមតិយល់បល់នៅក្នុងអ៊ីនធឺណេត ដែលបានផ្តល់ដោយអតីតអ្នកស្នាក់នៅរបស់អគារអាផាតមិនក៏ជាកត្តាសំខាន់ដែលអាចឱ្យអ្នកស្គាល់កាន់តែច្បាស់អំពីអាផាតមិន។
5. ជ្រើសរើសវិធីទំនាក់ទំនងដែលសមស្របបំផុត
ជ្រើសរើសយកវិធីទំនាក់ទំនងដែលអ្នកគិតថាសាកសមបំផុត នៅពេលអ្នកមានការចាប់អារម្មណ៍ទៅលើប្រភពអាផាតមិនណាមួយ។
6. តើអ្នកចង់បាននូវលំនៅប្រភេទណា?
ការស្វែងរកផ្ទះដ៏ល្អ និងសាកសមទៅតាមតម្រូវការរបស់អ្នក វាអាចជារឿងដ៏លំបាកមួយ ដូច្ចេះ ជាដំបូងអ្នកត្រូវប្រាកដឱ្យច្បាស់អំពីអ្វីដែលអ្នកចង់បាន តើអ្នកគ្រោងនឹងរស់នៅលំនៅថ្មីនោះជាមួយនរណា មិត្តភក្តិ ឬក៏ដៃគូជីវិត។
ក្រោយអំពីការអាននូវយុទ្ធសាស្រ្តនៃការស្វែងរកអាផាតមិនដ៏មានប្រសិទ្ធ ឥឡូវនេះតោះនាំគ្នាងាកមកមើលនូវប្រភេទអាផាតមិនជួលថ្មីវិញម្តង។
0