តើ​ដី​នៅ​ភ្នំពេញ​តំបន់ណាឡើង​ថ្លៃ​ជាង​គេ​ក្នុង​រយៈ​ពេល​១០​ឆ្នាំ​មកនេះ​ ហើយ​តំបន់​ណា​ដែល​មាន​សក្ដានុពល​ជាង​គេ?

ការរីកចម្រើនទីផ្សារអចលនទ្រព្យរបស់ប្រទេសកម្ពុជាបានចាប់ផ្តើមនៅប្រហែលឆ្នាំ ២០១៣។ ចាប់ពីឆ្នាំ ២០១៦ ដល់ឆ្នាំ ២០១៧ ទីផ្សារមួយនេះបានក្លាយជា «ផ្កាយបំភ្លឺ» នៅក្នុងចំណោមទីផ្សារអចលនទ្រព្យលើពិភពលោក ហើយក៏បានកាន់តែពេញនិយមចាប់ពីឆ្នាំ ២០១៨ ដល់ ២០១៩ ។ បន្ទាប់ពីក្នុងរយៈពេលស្ដារ ក្នុងឆ្នាំ ២០២០ ដល់ ២០២២។ ទីផ្សារអចលនទ្រព្យនៅប្រទេសកម្ពុជា ហាក់មានសភាពស្ងប់ស្ងាត់បន្តិចនាពេលបច្ចុប្បន្ន។

បន្ទាប់ពីរយៈពេល ១០ ឆ្នាំនៃទិន្នាការឡើងចុះ ទីផ្សារអចលនទ្រព្យនៅប្រទេសកម្ពុជាបានផ្លាស់ប្តូរយ៉ាងខ្លាំង ព្រោះតាមរយៈការមើលឃើញពីស្ថានភាពប្រែប្រួលរបស់តម្លៃដីធ្លី។

នៅក្នុងទីក្រុងភ្នំពេញ តម្លៃដីខ្ពស់បំផុតបានកើនឡើងពី ៥,៩០០ ដុល្លារអាមេរិកក្នុងមួយម៉ែត្រការ៉េ ទៅ ១៣,៣០០ ដុល្លារអាមេរិកក្នុងមួយម៉ែត្រការ៉េ ដែលកើនឡើងរហូតដល់ ១២៥ ភាគរយក្នុងរយៈពេល ១០ ឆ្នាំ និងមានតម្លៃដីជាមធ្យមបានកើនឡើងពី ១,១៤០ ដុល្លារអាមេរិកក្នុងមួយម៉ែត្រការ៉េ ទៅ ២,២៩៧ ដុល្លារអាមេរិកក្នុងមួយម៉ែត្រការ៉េ ដែលកើនឡើងស្មើនឹង ១០១ ភាគរយ។

ដូច្នេះហើយ តើដីតំបន់ណាដែលមានតម្លៃខ្ពស់ជាងគេនៅរាជធានីភ្នំពេញ និងតំបន់ណាដែលមានសក្ដានុពលជាងគេ? អញ្ជើញមកស្វែងយល់ជាមួយ Compass Real Estate។

‖ ឆ្នាំ២០១៣ ការស្ទង់មតិលើតម្លៃដីដំបូង

យោងតាមប្រព័ន្ធផ្សព្វផ្សាយនៅប្រទេសកម្ពុជា នៅត្រីមាសទី៤ ឆ្នាំ ២០១៣ ក្រុមហ៊ុនភ្នាក់ងារអចលនវត្ថុបានធ្វើការស្ទង់មតិតម្លៃដីធ្លីជាលើកដំបូងនៅក្នុងរាជធានីភ្នំពេញ ដោយគ្របដណ្តប់លើ ៩៦ ឃុំ ក្នុងខណ្ឌទាំង ៩ របស់រាជធានីភ្នំពេញ។ ប្រភេទដីដែលបានស្ទង់មតិក្នុងរបាយការណ៍មួយនេះ គឺជាប្រភេទដីលំនៅឋានដែលស្មើនឹងចំនួន៦៤%នៃដីសរុប។

ការស្ទង់មតិបានរកឃើញថាតំបន់កំពូលៗដែលមានតម្លៃដីខ្ពស់បំផុតគឺស្ថិតនៅក្នុង “ចាត់ទុកថាជាតំបន់លំនៅឋានដ៏សំខាន់” ដូចជាខណ្ឌដូនពេញ ខណ្ឌចំការមន ខណ្ឌ៧មករា ខណ្ឌទួលគោក និងខណ្ឌផ្សេងៗទៀតដែលមានហេដ្ឋារចនាសម្ព័ន្ធល្អ មានផ្សារធំៗ និងនៅតាមផ្លូវដែលមានមនុស្សរស់នៅអ៊ូអរ ដែលតម្លៃចាប់ពី ៤,៥០០ ដុល្លារអាមេរិកទៅជិត ៦,០០០ ដុល្លារអាមេរិកក្នុងមួយម៉ែត្រការ៉េ។ ជាពិសេសនៅក្នុងសង្កាត់បឹងកេងកង១ ខណ្ឌចំការមន ដែលជាតំបន់ដែលមានតម្លៃដីខ្ពស់ជាងគេ រហូតដល់ ៥,៩០០ ដុល្លារអាមេរិកក្នុងមួយម៉ែត្រការ៉េ។

‖ ឆ្នាំ២០១៥ តម្លៃដីកើនឡើងប្រមាណ ១០-៣០ ភាគរយ

ក្នុងឆ្នាំ ២០១៥ តម្លៃដីឡើងយ៉ាងលឿននៅក្នុងខណ្ឌទាំងបួននៅកណ្តាលរាជធានីភ្នំពេញបានជួយជម្រុញតម្លៃអចលនទ្រព្យទាំងមូលរបស់រាជធានី។

យោងតាមការស្ទង់មតិ ដីពាណិជ្ជកម្មក្នុងខណ្ឌចំការមន ខណ្ឌដូនពេញ ខណ្ឌ៧មករា និងខណ្ឌទួលគោក មានតម្លៃជាមធ្យមចន្លោះពី ២,០០០ ទៅ ៥,០០០ ដុល្លារអាមេរិកក្នុងមួយម៉ែត្រការ៉េ ក្នុងខែមេសា ឆ្នាំ២០១៥ កើនឡើងប្រមាណ ១៥ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ ដីលំនៅឋានក្នុងខណ្ឌទាំងបួននេះមានតម្លៃចាប់ពី៩៥០ដុល្លារទៅ៣២០០ដុល្លារអាមេរិកក្នុងមួយម៉ែត្រការ៉េ ដែលបានកើនឡើងចំនួន ២០ ភាគរយ លើតម្លៃក្នុងខែមេសា ឆ្នាំ២០១៤ ។

កាលពីខែមិថុនា ឆ្នាំ២០១៥ ក្រុមហ៊ុនអចលនទ្រព្យមួយផ្សេងទៀតបានប្រកាសលទ្ធផលនៃការស្ទង់មតិតម្លៃដីធ្លីដែលបង្ហាញថាតម្លៃដីធ្លីនៅក្នុងរាជធានីភ្នំពេញបាននិងកំពុងកើនឡើងនៅពេលដែលប្រទេសកម្ពុជាឆ្ពោះទៅមុខជាមួយនឹងសេដ្ឋកិច្ចរបស់ខ្លួន និងត្រៀមខ្លួនសម្រាប់សមាហរណកម្មអាស៊ាន។

របាយការណ៍បង្ហាញថាតម្លៃដីធ្លីក្នុងរាជធានីភ្នំពេញបានកើនឡើងពី ១០ ភាគរយទៅ ៣០ ភាគរយនៅក្នុងត្រីមាសទី១ ឆ្នាំ២០១៥។ បម្រែបម្រួលតម្លៃដីធ្លីនៅក្នុងតំបន់សំខាន់ៗមួយចំនួនមានដូចខាងក្រោម៖

- ខណ្ឌចំការមន៖ ដីពាណិជ្ជកម្មតាមបណ្ដោយផ្លូវធំក្នុងខណ្ឌបានកើនឡើងពី ៣,៥០០- ៥,៥០០ ដុល្លារអាមេរិកក្នុងមួយម៉ែត្រការ៉េក្នុងឆ្នាំមុន (២០១៤) ដល់ ៣,៥០០-៨០០០ ដុល្លារអាមេរិកក្នុងមួយម៉ែត្រការ៉េ ខណៈតាមបណ្ដោយផ្លូវតូច បានកើនឡើងពី ២,៥០០- ៣,០០០ ដុល្លារអាមេរិកក្នុងមួយម៉ែត្រការ៉េ ដល់ ២,៨០០-៤,០០០ អាមេរិកក្នុងមួយម៉ែត្រការ៉េ ចំណែកឯដីលំនៅឋាននៅតាមបណ្តោយផ្លូវធំបានកើនឡើងពី ២,៥០០-៣,៥០០ ដុល្លារអាមេរិកក្នុងមួយម៉ែត្រការ៉េ និងផ្លូវតូចបានកើនពី ៧០០-២,៥០០ ដុល្លារអាមេរិកក្នុងមួយម៉ែត្រការ៉េ។

- ខណ្ឌទួលគោក៖ ដីពាណិជ្ជកម្មតាមបណ្តោយផ្លូវធំក្នុងខណ្ឌ កើនឡើងពី ២,៣០០-៣,៥០០ ដុល្លារអាមេរិកក្នុងមួយម៉ែត្រការ៉េ ដល់ ២,៥០០-៤,៥០០ ដុល្លារអាមេរិកក្នុងមួយម៉ែត្រការ៉េ ខណៈផ្លូវតូចបានឡើងពី ១,៥០០-២,៦០០ ដុល្លារអាមេរិកក្នុងមួយម៉ែត្រការ៉េ ដល់ ១,៣០០-២,៥០០ ដុល្លារអាមេរិកក្នុងមួយម៉ែត្រការ៉េ ហើយនិងតម្លៃដីលំនៅឋានបានកើនឡើងពី ១,៥០០-២,៣០០ ដុល្លារអាមេរិកក្នុងមួយម៉ែត្រការ៉េ ទៅ ១,៨០០-២,៥០០ ដុល្លារអាមេរិកក្នុងមួយម៉ែត្រការ៉េ។

- ខណ្ឌ ៧ មករា៖ តម្លៃដីពាណិជ្ជកម្មតាមបណ្តោយផ្លូវធំក្នុងខណ្ឌ កើនឡើងពី ៣,០០០-៣,៥០០ ដុល្លារអាមេរិកក្នុងមួយម៉ែត្រការ៉េ ដល់ ៣,៥០០-៦,០០០ ដុល្លារអាមេរិកក្នុងមួយម៉ែត្រការ៉េ ខណៈផ្លូវតូចបានកើនឡើងពី ២,៣០០-៣,០០០ ដុល្លារអាមេរិកក្នុងមួយម៉ែត្រការ៉េ ដល់ ២,៥០០-៣,៥០០ ដុល្លារអាមេរិកក្នុងមួយម៉ែត្រការ៉េ រីឯតម្លៃដីលំនៅឋាននៅតាមដងផ្លូវធំក្នុងខណ្ឌកើនឡើងពី ២,៣០០-៥,០០០ ដុល្លារអាមេរិកក្នុងមួយម៉ែត្រការ៉េ ដល់ ២,៥០០-៥,០០០ ដុល្លារអាមេរិកក្នុងមួយម៉ែត្រការ៉េ ហើយនិងផ្លូវតូចបានកើនឡើងពី ១,៣០០-២,៥០០ ដុល្លារអាមេរិកក្នុងមួយម៉ែត្រការ៉េ ដល់ ១,៥០០-២,៥០០ ដុល្លារអាមេរិកក្នុងមួយម៉ែត្រការ៉េ។

- ខណ្ឌសែនសុខ៖ ការឡើងថ្លៃរបស់ដីពាណិជ្ជកម្មនៅតាមបណ្តោយផ្លូវធំក្នុងខណ្ឌ កើនពី ៧០០-១,៤០០ ដុល្លារអាមេរិកក្នុងមួយម៉ែត្រការ៉េ ទៅដល់ ៦០០-១,៤០០ ដុល្លារអាមេរិកក្នុងមួយម៉ែត្រការ៉េ និងតម្លៃដីលំនៅឋាននៅតាមបណ្តោយផ្លូវធំបានកើនឡើងពី ៤៥០-៥០០ ដុល្លារអាមេរិកក្នុងមួយម៉ែត្រការ៉េ ទៅដល់ ៥០០-៦០០ ដុល្លារអាមេរិកក្នុងមួយម៉ែត្រការ៉េ។

នៅក្នុងត្រីមាសទី ៤ ឆ្នាំ២០១៥ ទិន្នន័យរបស់ក្រុមហ៊ុន CBRE ក៏បានបញ្ជាក់ផងដែរថា តម្លៃដីនៅក្នុងខណ្ឌធំៗទាំងបួនក្នុងរាជធានីភ្នំពេញបានកើនឡើងជាមធ្យម ៨.៤ ភាគរយ បើធៀបនឹងត្រីមាសទីបី។

នៅដំណាក់កាលនេះ តម្លៃដីធ្លីបានកើនឡើងយ៉ាងឆាប់រហ័ស ភាគច្រើននៅតំបន់កណ្តាលទីក្រុង។ ចំណែកខណ្ឌនៅជាយក្រុងនៅតែមិនទាន់មានការអភិវឌ្ឍដោយសារហេដ្ឋារចនាសម្ព័ន្ធខ្សោយ ដូច្នេះតម្លៃដីក៏មានការប្រែប្រួលយឺត។

‖ ឆ្នាំ២០១៦ តម្លៃដីបានធ្លាក់ចុះបន្តិច

ក្នុងឆ្នាំ ២០១៦ ទីផ្សារអចលនទ្រព្យនៅប្រទេសកម្ពុជាមានការធ្លាក់ចុះជាបណ្ដោះអាសន្នក្នុងការអភិវឌ្ឍ។ នៅក្នុងទីផ្សារដីធ្លី តម្លៃនៅតែមានស្ថិរភាព ប៉ុន្តែក៏នៅតែមានតំបន់មួយចំនួនដែលតម្លៃដីចាប់ផ្តើមធ្លាក់ចុះ។ តម្លៃដីជាមធ្យមនៅតំបន់ទន្លេបាសាក់បង្ហាញពីការប្រែប្រួលតិចតួចពី ៣,៥០០ ដុល្លារអាមេរិកក្នុងមួយម៉ែត្រការ៉េ ទៅ ៤,០០០ ដុល្លារអាមេរិកក្នុងមួយម៉ែត្រការ៉េ ក្នុងរយៈពេលប្រាំមួយខែដំបូងក្នុងឆ្នាំនេះ ក្រៅពីនោះតម្លៃដីជាមធ្យមនៅតំបន់បឹងកេងកង អូឡាំពិក និងតំបន់សំខាន់ៗផ្សេងទៀតក៏នៅមានស្ថិរភាពផងដែរ។

 ទោះជាយ៉ាងណាក៏ដោយ តម្លៃដីធ្លីនៅក្នុងខណ្ឌសែនសុខ និងខណ្ឌទួលគោក មានការថយចុះបន្តិចនៅក្នុងត្រីមាសទីពីរ បើធៀបនឹងត្រីមាសទីមួយក្នុងឆ្នាំនេះ។

យោងតាមសារព័ត៌មានក្នុងប្រទេស៖ នៅចុងឆ្នាំ ២០១៣ តម្លៃដីលើទីផ្សារជាមធ្យមក្នុងខណ្ឌសែនសុខគឺ ៣៨០ ដុល្លារអាមេរិកក្នុងមួយម៉ែត្រការ៉េ នៅឆមាសទីមួយឆ្នាំ២០១៦ តម្លៃជាមធ្យមនៅក្នុងតំបន់បានកើនឡើងដល់ ៦៩០ ដុល្លារអាមេរិកក្នុងមួយម៉ែត្រការ៉េជាមួយនឹងកំណើនជាមធ្យម ២៧ ភាគរយពីឆ្នាំ ២០១៣ ដល់ឆ្នាំ ២០១៥។

ជាមួយគ្នានេះដែរ ដីនៅខណ្ឌទួលគោកបានឡើងថ្លៃបន្តិចបន្តួចក្នុងរយៈពេលដូចគ្នា ពីតម្លៃទីផ្សារជាមធ្យម ២,១៥០ ដុល្លារអាមេរិកក្នុងមួយម៉ែត្រការ៉េ ក្នុងឆ្នាំ២០១៣ រហូតដល់ ២,៥៣០ ដុល្លារអាមេរិកក្នុងមួយម៉ែត្រការ៉េ នៅដើមឆ្នាំ២០១៦ ដែលកើនឡើង ៦ ភាគរយធៀបនឹងឆ្នាំមុនក្នុងរយៈពេលដូចគ្នា។

យ៉ាងណាក៏ដោយ ដោយសារការធ្លាក់ចុះថ្លៃក្នុងទីផ្សាររួម តម្លៃដីនៅក្នុងខណ្ឌទាំងពីរក៏ធ្លាក់ចុះបន្តិចបន្តួចដែរ។

លើសពីនេះ ហេដ្ឋារចនាសម្ព័ន្ធរបស់រាជធានីភ្នំពេញបានចាប់ផ្តើមអភិវឌ្ឍក្នុងដំណាក់កាលមួយនេះ ដូចជាស្ពានអាកាសផ្សារដីហ៊ុយកំពុងសាងសង់ក្នុងឆ្នាំ ២០១៦ ផ្សារទំនើបអ៉ីអន ម៉លទី ២ និងស្ពានឫស្សីកែវ-ជ្រោយចង្វារកំពុងសាងសង់ក្នុងឆ្នាំ ២០១៧ ដែលទាំងអស់នេះបានជម្រុញទីផ្សារដីធ្លីក្នុងតំបន់ខាងលើ។

‖ ឆ្នាំ២០១៨ តម្លៃដីនៅជាយក្រុងមានការកើនឡើងយ៉ាងឆាប់រហ័ស

នៅឆ្នាំ២០១៨ ការបែងចែករដ្ឋបាលរាជធានីភ្នំពេញ គឺកាន់តែលម្អិតបន្ថែមទៀត ដោយបង្កើតបានរហូតដល់ ១៤ ខណ្ឌ។

តម្លៃដីនៅតាមខណ្ឌនីមួយៗក្នុងត្រីមាសទីមួយឆ្នាំខាងលើមានដូចខាងក្រោម៖

ក្នុងដំណាក់កាលនេះ ខណ្ឌដូនពេញ ស្ថិតនៅលំដាប់កំពូលក្នុងតារាងតម្លៃដី ដែលតម្លៃខ្ពស់បំផុតគឺ ១២,០០០ ដុល្លារអាមេរិកក្នុងមួយម៉ែត្រការ៉េ ហើយតម្លៃដីជាមធ្យមរបស់បឹងកេងកង និងខណ្ឌ៧មករា មានតម្លៃលើសពី ៤,០០០ ដុល្លារអាមេរិកក្នុងមួយម៉ែត្រការ៉េ។

ទន្ទឹមនឹងនោះ ដោយសារការអភិវឌ្ឍ និងសាងសង់ទីក្រុងរណបក្នុងរាជធានីភ្នំពេញយ៉ាងឆាប់រហ័ស តម្លៃដីនៅតំបន់ជាយក្រុងផ្សេងៗបានកើនឡើងគួរឱ្យកត់សម្គាល់ ដូចជាខណ្ឌដង្កោជាដើម។

យោងតាមប្រព័ន្ធផ្សព្វផ្សាយ តម្លៃដីនៅក្នុងខណ្ឌដង្កោបានកើនឡើងប្រមាណ ៣៥ ភាគរយចាប់តាំងពីឆ្នាំ ២០១២ ជាពិសេសនៅក្នុងសង្កាត់ដង្កោ និងសង្កាត់ជើងឯក ដោយបានកត់សម្គាល់ថាតំបន់ទាំងនេះជាកន្លែងសម្រាប់ការអភិវឌ្ឍន៍ថ្មីៗ រួមទាំងទីក្រុង អាយអិនជី ស៊ីធី និងអាកាសយានដ្ឋានអន្តរជាតិថ្មី។

‖ ឆ្នាំ២០១៩ តម្លៃដីនៅតំបន់ជាយក្រុងនៅតែបន្តកើនឡើង

នៅឆ្នាំ ២០១៩ ខណ្ឌចំនួន ៣ ក្នុងរាជធានីភ្នំពេញ ខណ្ឌព្រែកព្នៅ ខណ្ឌដង្កោ និងខណ្ឌច្បារអំពៅ បានក្លាយជាតំបន់ដែលមានតម្លៃដីកើនឡើងខ្ពស់បំផុតក្នុងឆមាសទីមួយក្នុងឆ្នាំនេះ។

សម្រាប់ខណ្ឌព្រែកព្នៅ អត្រាកើនឡើងថ្លៃជាង ២៧ ភាគរយក្នុងរយៈពេល ៦ខែដើមឆ្នាំ ដែលគួរឲ្យកត់សម្គាល់នោះ ដីឡូតិ៍ក្នុងសង្កាត់ព្រែកព្នៅ ចាប់ផ្តើមឆ្នាំ២០១៩ ចន្លោះពី ២៨០ ដុល្លារអាមេរិកក្នុងមួយម៉ែត្រការ៉េ ដល់ ១,៥០០ ដុល្លារអាមេរិកក្នុងមួយម៉ែត្រការ៉េ ត្រឹមតែកន្លះឆ្នាំប៉ុណ្ណោះ ដីនៅតំបន់ដដែលនេះកើនឡើងចន្លោះពី ៣០០ ទៅ ១៧០០ ដុល្លារអាមេរិកក្នុងមួយម៉ែត្រការ៉េ។

តម្លៃដីជាមធ្យមក្នុងខណ្ឌដង្កោបានកើនឡើងជាង ២៦ ភាគរយក្នុងឆមាសទីមួយឆ្នាំខាងលើនេះ។ ចំណែកខណ្ឌច្បារអំពៅ តម្លៃដីនៅទីនោះកើនជិត ១៥ ភាគរយ។

តំបន់ជាយក្រុងទាំងបីនេះ គឺទទួលបានភាពជោគជ័យពីការអភិវឌ្ឍហេដ្ឋារចនាសម្ព័ន្ធ ដូចជាផ្លូវក្រវ៉ាត់ក្រុងទី២ និងទី៣ ទីក្រុងរណប និងផ្លូវជាតិផ្សេងទៀត។

ក្នុងរយៈពេលដូចគ្នានេះ ខណ្ឌដូនពេញ ខណ្ឌ៧មករា ខណ្ឌចំការមន ខណ្ឌទួលគោក ឃើញថាតម្លៃដីឡើងថ្លៃ ០.៤%, ១.៦%, ០.៨% និង ០.៣% រៀងគ្នា។ ខណ្ឌដូនពេញនៅតែស្ថិតនៅលំដាប់កំពូលក្នុងតារាងតម្លៃដីក្នុងរាជធានីភ្នំពេញ ដោយតម្លៃដីជាមធ្យម ៥,០០០ ដុល្លារអាមេរិកក្នុងមួយម៉ែត្រការ៉េ។

‖ ឆ្នាំ២០២០-២០២២ តម្លៃដីឡើងថ្លៃជាលំដាប់ក្នុងកំឡុងពេលមានជំងឺឆ្លងកូវីដ ១៩

នៅឆ្នាំ២០២០ ជំងឺកូវីដ-១៩ បានចាប់ផ្តើមរីករាលដាល ហើយសេដ្ឋកិច្ចពិភពលោកបានរងផលប៉ះពាល់។ ទីផ្សារអចលនទ្រព្យនៅប្រទេសកម្ពុជាក៏ធ្លាក់ចុះដែរ ប៉ុន្តែទីផ្សារដីនៅតែកើនឡើងជាលំដាប់។

គិតត្រឹមដំណាច់ឆ្នាំ ២០២០ តម្លៃដីជាមធ្យមក្នុងរាជធានីភ្នំពេញគឺ ២,១១០ ដុល្លារអាមេរិកក្នុងមួយម៉ែត្រការ៉េ ដែលកើនឡើងចំនួន ១.៩ ភាគរយ ក្នុងតម្លៃ ២,០៧០ ដុល្លារអាមេរិកក្នុងមួយម៉ែត្រការ៉េ ក្នុងរយៈពេលដូចគ្នាកាលពីឆ្នាំមុន។ ក្នុងនោះខណ្ឌដង្កោបានកើនឡើង ១៧.៩ ភាគរយ ខណ្ឌសែនសុខបានកើនឡើង ៧.៣ ភាគរយ និងខណ្ឌព្រែកព្នៅកើនឡើង ៦.៥ ភាគរយ។ ចំណែកតម្លៃដីជាមធ្យមក្នុងខណ្ឌធំៗដូចជា ខណ្ឌចំការមន ខណ្ឌបឹងកេងកង ខណ្ឌដូនពេញ ខណ្ឌ៧មករា និងខណ្ឌទួលគោកនៅតែមានស្ថិរភាព។

យោងតាមរបាយការណ៍របស់ប្រព័ន្ធផ្សព្វផ្សាយមួយទៀត នៅឆ្នាំ២០២១ តម្លៃដីធ្លីនៅភាគអាគ្នេយ៍នៃរាជធានីភ្នំពេញបានកំពុងកើនឡើងជាបន្តបន្ទាប់។ តម្លៃដីចាប់ពីស្ពានព្រះមុនីវង្ស ទៅដល់កោះនរា គឺមានតម្លៃពី ១,០០០-១,៥០០ដុល្លារអាមេរិកក្នុងមួយម៉ែត្រការ៉េ។ តម្លៃដីនៅតាមបណ្តោយផ្លូវធំ គឺមានតម្លៃ ៤០០-៧០០ ដុល្លារអាមេរិកក្នុងមួយម៉ែត្រការ៉េ ហើយតម្លៃដីពាណិជ្ជកម្ម មានតម្លៃពី ២,០០០-២,៥០០ ដុល្លារអាមេរិកក្នុងមួយម៉ែត្រការ៉េ។

លើសពីនេះទៀត តម្លៃដីនៅចន្លោះតំបន់ស្រុកកៀនស្វាយ និងព្រីនស៍ ម៉ាន័រ រីសត គឺ ២០០-៥០០ ដុល្លារអាមេរិកក្នុងមួយម៉ែត្រការ៉េ។

តម្លៃដីនៅផ្លូវក្រវ៉ាត់ក្រុងទី៣ ជិតកំពង់ផែស្វយ័តភ្នំពេញ មានតម្លៃប្រហែល ១០០-១៥០ ដុល្លារអាមេរិកក្នុងមួយម៉ែត្រការ៉េ រីឯតម្លៃដីនៅតំបន់ចន្លោះកំពង់ផែស្វយ័តភ្នំពេញ និងតំបន់គគីរធំគឺ ៨០-១២០ ដុល្លារអាមេរិកក្នុងមួយម៉ែត្រការ៉េ ហើយនិងតម្លៃដីនៅតាមបណ្តោយផ្លូវជាតិលេខ១ ក្នុងតំបន់គគីរធំទៅស្ពានអ្នកលឿង មានតម្លៃប្រមាណ ៤០-៦០ ដុល្លារអាមេរិកក្នុងមួយម៉ែត្រការ៉េ។

ក្នុងឆ្នាំដដែលនេះ តម្លៃដីនៅទីក្រុងរណបទាំងពីរក្នុងខណ្ឌជ្រោយចង្វារក៏ឡើងថ្លៃដែរ។ ក្នុងចំណោមនោះ តម្លៃដីរបស់ទីក្រុងរណបជ្រោយចង្វារ ដែលអភិវឌ្ឍដោយក្រុមហ៊ុន OCIC មានតម្លៃប្រហែល ៨០០-២,៥០០ដុល្លារអាមេរិកក្នុងមួយម៉ែត្រការ៉េ ហើយតម្លៃដីជាមធ្យមក្នុងទីក្រុងរណបលីយ៉ុងផាត់គឺ ៥០-៨០០ ដុល្លារអាមេរិកក្នុងមួយម៉ែត្រការ៉េ។

នៅឆ្នាំ២០២២ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានចេញផ្សាយតម្លៃដីនៅក្នុងរាជធានីភ្នំពេញក្នុងឆមាសទីមួយឆ្នាំ ២០២២។

យោងតាមទិន្នន័យ ខណ្ឌដូនពេញ ខណ្ឌបឹងកេងកង និងខណ្ឌ៧មករា ជាប់ចំណាត់ថ្នាក់លេខ៣ ក្នុងតម្លៃដីក្នុងរាជធានីភ្នំពេញ ដែលមានតម្លៃជាមធ្យម ៥,០០០ ដុល្លារអាមេរិកក្នុងមួយម៉ែត្រការ៉េ។

ក្នុងចំណោមនោះ តម្លៃដីនៅជិតសង្កាត់ផ្សារថ្មី ខណ្ឌដូនពេញ មានតម្លៃខ្ពស់បំផុតចាប់ពី ៥,៦០០ ដុល្លារអាមេរិកក្នុងមួយម៉ែត្រការ៉េ ទៅ ១៣,០០០ ដុល្លារអាមេរិកក្នុងមួយម៉ែត្រការ៉េ ដែលតាមពីក្រោយដោយខណ្ឌចំការមន និងខណ្ឌទួលគោក ជាមួយតម្លៃដីជាមធ្យមឡើងដល់ ៣,៨០០ ដុល្លារអាមេរិកក្នុងមួយម៉ែត្រការ៉េ។

តំបន់ដែលមានតម្លៃដីមធ្យម មានខណ្ឌមានជ័យ ខណ្ឌសែនសុខ និងខណ្ឌឬស្សីកែវ ដែលតម្លៃដីជាមធ្យម ២,០០០ ដុល្លារអាមេរិកក្នុងមួយម៉ែត្រការ៉េ ១,៧០០ ដុល្លារអាមេរិកក្នុងមួយម៉ែត្រការ៉េ និង ១,៤០០ ដុល្លារអាមេរិកក្នុងមួយម៉ែត្រការ៉េ រៀងគ្នា។

តម្លៃដីជាមធ្យមនៅខណ្ឌជ្រោយចង្វារ ខណ្ឌច្បារអំពៅ និងខណ្ឌពោធិ៍សែនជ័យ មិនខុសគ្នាច្រើនទេ គឺប្រហែល ១,០០០ ដុល្លារអាមេរិកក្នុងមួយម៉ែត្រការ៉េ ចំណែកខណ្ឌដង្កោ និងខណ្ឌព្រែកព្នៅ ជាតំបន់ដែលមានដីតម្លៃទាបបំផុតត្រឹមតែ ៣៦០ ដុល្លារអាមេរិកក្នុងមួយម៉ែត្រការ៉េ។

‖ ឆ្នាំ២០២៣ តម្លៃដីធ្លាក់ចុះបន្តិច

ជាងពាក់កណ្តាលឆ្នាំ២០២៣ បានកន្លងផុតទៅហើយ ទីផ្សារអចលនទ្រព្យក្នុងប្រទេសកម្ពុជានៅតែស្ដារឡើងវិញយឺតបន្តិចម្តងៗ ហើយរាជធានីភ្នំពេញក៏មិនមានករណីលើកលែងដែរ។ នេះក៏បានជះឥទ្ធិពលលើទីផ្សារដីធ្លីមួយចំនួនផងដែរ ដោយសារតម្លៃដីបានធ្លាក់ចុះបន្តិចមែន ប៉ុន្តែតម្លៃសរុបនៅតែមានស្ថិរភាពដូចកាលពីឆ្នាំ២០១៦ ដែរ។

បច្ចុប្បន្ននេះ ទិន្នន័យតម្លៃដីរបស់ CVEA នៅតែត្រូវបានចេញផ្សាយ ហើយយើងឃើញថាតម្លៃដីក្នុងរាជធានីភ្នំពេញបានបង្ហាញពីនិន្នាការធ្លាក់ចុះបន្តិចទាំងក្នុងខណ្ឌកំពូល និងខណ្ឌជាយក្រុង ដូចជា៖

នៅក្នុងខណ្ឌដូនពេញ តម្លៃដីជាមធ្យមគឺ ៥,២១៨ ដុល្លារអាមេរិកក្នុងមួយម៉ែត្រការ៉េ ជាមួយនឹងតម្លៃខ្ពស់បំផុតគឺ ១៣,០០០ ដុល្លារអាមេរិកក្នុងមួយម៉ែត្រការ៉េ និងតម្លៃទាបបំផុត ២,១០០ ដុល្លារអាមេរិកក្នុងមួយម៉ែត្រការ៉េ។

នៅខណ្ឌឬស្សីកែវ តម្លៃដីជាមធ្យមគឺ ១,២៨២ ដុល្លារអាមេរិកក្នុងមួយម៉ែត្រការ៉េ ជាមួយនឹងតម្លៃខ្ពស់បំផុតគឺ ៣,៧០០ ដុល្លារអាមេរិកក្នុងមួយម៉ែត្រការ៉េ និងតម្លៃទាបបំផុត ៤៥០ ដុល្លារអាមេរិកក្នុងមួយម៉ែត្រការ៉េ។

ទីផ្សារអចលនទ្រព្យនៅប្រទេសកម្ពុជាមានសភាពស្ងប់ស្ងាត់នាពេលបច្ចុប្បន្ននេះ ហេដ្ឋារចនាសម្ព័ន្ធក្នុងរាជធានីភ្នំពេញ និងប្រទេសទាំងមូលមានការអភិវឌ្ឍន៍យ៉ាងឆាប់រហ័ស ហើយសេដ្ឋកិច្ចក៏ស្ទុះងើបឡើងវិញជាបណ្តើរៗ។ អ្នកវិនិយោគមកពីប្រទេសផ្សេងៗបានវិលត្រឡប់មកកាន់ទីផ្សារកម្ពុជាវិញហើយ។ ទន្ទឹមនឹងនេះ រដ្ឋាភិបាលថ្មីនឹងនាំមកនូវការផ្លាស់ប្តូរ និងការរំពឹងទុកបន្ថែមទៀត។

មានពាក្យមួយឃ្លាថា វដ្តអចលនទ្រព្យអាស្រ័យលើគោលនយោបាយក្នុងរយៈពេលខ្លី ដីក្នុងរយៈពេលមធ្យម និងចំនួនប្រជាជនក្នុងរយៈពេលវែង។

រាជធានីភ្នំពេញ ជាមួយនឹងកំណើនជាបន្តបន្ទាប់នៃធនធានមនុស្សឆ្នើម និងអ្នកជំនាញមកពីប្រទេសផ្សេងៗ និងការអភិវឌ្ឍទីក្រុង ក៏នឹងជួយជម្រុញការអភិវឌ្ឍទីផ្សារអចលនទ្រព្យផងដែរ។

តើតម្លៃដីនៅរាជធានីភ្នំពេញនឹងអាចកើនឡើងទ្វេដងក្នុងរយៈពេល១០ឆ្នាំខាងមុខឬទេ? ចម្លើយគឺមានតែចាំមើលប៉ុណ្ណោះ!

* ទិន្នន័យតម្លៃដីនៅក្នុងអត្ថបទខាងលើគឺសម្រាប់តែឯកសារយោងប៉ុណ្ណោះ ជាមួយភាពខុសគ្នានៃប្រភពដើមរួមមាន ខ្មែរថាមស៍, ភ្នំពេញ ប៉ុស្ដិ៍, CBRE, CVEA ។ល។