ក្រសួងមហាផ្ទៃត្រៀមចេញបទប្បញ្ញត្តិថ្មីទាក់ទិននឹងការពង្រឹនការពារអគ្គីភ័យក្នុងអគារ

ខមភើសអចលនទ្រព្យ·សេចក្តីរាយការណ៍ព័ត៌មាន ~  កាលពីម្សិលថ្ងៃទី១៨ ខែសីហានេះ  យោងតាមកិច្ចប្រជុំឆ្លងខ្លឹមសារនៃសេចក្ដីព្រាងប្រកាសថ្មីតាមរយៈប្រព័ន្ធវិដេអូសន្និសីទ ZOOM ក្រោមកិច្ចអញ្ជើញជាអធិបតីដ៏ខ្ពង់ខ្ពស់ដឹកនាំដោយសម្ដេចក្រឡាហោម ស ខេងបានឱ្យដឹងថា ដើម្បីពង្រឹងការគ្រប់គ្រង និងបង្ការអគ្គិភ័យឱ្យមានប្រសិទ្ធភាពជាងមុន ពិសេសសម្រាប់សំណង់អគារខ្ពស់ និងសំណង់ដែលមានជាន់ក្រោមដី សេចក្ដីព្រាងប្រកាសថ្មីនេះមានទិសដៅគឺក្នុងន័យពង្រឹងសមត្ថភាពការងាររបស់ក្រុមបង្ការ និងពន្លត់អគ្គិភ័យ ទាំងក្រុមកាតព្វកិច្ច រួមទាំងក្រុមស្ម័គ្រចិត្ត ។

លើសពីនេះទៀត តាមសេចក្តីព្រាងក៏តម្រូវឱ្យរាល់ស្ថាប័នរដ្ឋ និងឯកជនទាំងឡាយត្រូវតែមានប្លង់បង្ការ និងពន្លត់អគ្គិភ័យ ដោយបង្កើតឡើងនូវក្រុមបង្ការ និងពន្លត់អគ្គិភ័យកាតព្វកិច្ច ដែលអាចទាំងពន្លត់អគ្គិភ័យ និងសង្គ្រោះបឋមនៅតាមអគារនៃស្ថាប័នផ្ទាល់ ។ ម្យ៉ាងទៀត សេចក្តីព្រាងក៏បានសង្កត់ធ្ងន់ទៅលើរាល់ប្រភេទអគារខ្ពស់ច្រើនជាន់ រួមទាំងអគារដែលមាន ជាន់ក្រោមដី និងដោយដាក់ឱ្យមានការប្រើប្រាស់នូវបណ្ដាញចរន្តអគ្គិសនី ឧស្ម័នចំហេះ សារធាតុងាយឆេះ និងងាយផ្ទុះ។

គួរបញ្ជាក់បន្ថែម រដ្ឋបាលថ្នាក់ក្រោមជាតិក៏បានតម្រូវឱ្យបង្កើតនូវក្រុមបង្ការ និងពន្លត់អគ្គិភ័យស្ម័គ្រចិត្ត នៅតាមភូមិ ឃុំ សង្កាត់ សហគមន៍ ៕

រៀបរៀងនិងកែសម្រួលដោយខមភើសកម្ពុជា

រៀបរៀងដោយ ៖ Thangnyth，   ប្រធានផ្នែកនិពន្ធ ៖ Sunnie，   នាយក / ផលិតករ ៖ Nicole

កាន់តែងាយស្រួលស្វែងរកអចលនទ្រព្យបានគ្រប់ប្រភេទជាមួយគេហទំព័រ Compass ទាំងក្នុង និងក្រៅប្រទេសមាននៅ ៖  កម្ពុជា | សិង្ហបុរី | អារ៉ាប់រួម | ថៃ | ហ្វីលីពីន | មីយ៉ាន់ម៉ា | ឡាវ