ក្រុមប្រឹក្សាអភិវឌ្ឍន៍កម្ពុជា (CDC) បានអនុម័តគម្រោងរបស់ក្រុមហ៊ុនចំនួន ៣ ដែលមានតម្លៃទុនវិនិយោគ សរុបប្រមាណ ១៦៦លានដុល្លារ រួមមានគម្រោងអាជីវកម្មសណ្ឋាគារផ្កាយ៥ នៅព្រះខេត្តសីហនុ រោងចក្រផលិតបន្ទះសូឡា ខេត្តកំពង់ស្ពឺ និងស្ថានីយផលិតអគ្គិសនី ដើរដោយថាមពលព្រះអាទិត្យ ខេត្តបាត់ដំបង។
យោងតាមគេហទំព័រហ្វេសប៊ុកផ្លូវការរបស់ក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី ២២ ឧសភា ២០២០ គម្រោងទាំងបីនោះ មានដូចជា៖
គម្រោងទី១ គឺគម្រោងសាងសង់ និងអាជីវកម្មសណ្ឋាគារផ្កាយ៥ ដោយក្រុមហ៊ុន YONG WANG (CAMBODIA) CO., LTD ក្រោមទុនវិនិយោគប្រមាណ១០៧, ៩លានដុល្លារអាមេរិក និងអាចបង្កើតការងារបានចំនួន ៨៥៨ កន្លែង។ សណ្ឋាគារនេះ មានចំនួន ៧០០ បន្ទប់ មានទីតាំងវិនិយោគស្ថិតនៅភូមិ ៤ សង្កាត់លេខ ៤ ក្រុងព្រះសីហនុ ខេត្តព្រះសីហនុ។
គម្រោងទី២ គឺគម្រោងបង្កើតរោងចក្រផលិត និងផ្គុំដំឡើងបន្ទះសូឡា ដោយក្រុមហ៊ុន PROSPECT ENERGY (CAMBODIA) CO., LTD ក្រោមទំហំទឹកប្រាក់ប្រមាណ ៧, ៩ លានដុល្លារអាមេរិក មានទីតាំងវិនិយោគស្ថិតនៅភូមិព្រៃពង្រ ឃុំរកាកោះ ស្រុកគងពិសី ខេត្តកំពង់ស្ពឺ និងអាចបង្កើតការងារបានចំនួន ២៩៨ កន្លែង។
គម្រោងទី៣ គឺគម្រោងបង្កើតស្ថានីយផលិតអគ្គិសនី ដើរដោយថាមពលព្រះអាទិត្យ ដោយក្រុមហ៊ុន RISEN ENERGY (CAMBODIA) BATTAMBANG CO., LTD ក្រោមទុនវិនិយោគប្រមាណ ៥០, ៩លានដុល្លារអាមេរិក ដែលមានទីតាំងស្ថិតនៅភូមិសូភី ឃុំអន្លង់រុន ស្រុកថ្មគោល ខេត្តបាត់ដំបង អាចបង្កើតការងារបានចំនួន ៥០ កន្លែង។
គួរបញ្ជាក់ផងដែរថា កាលពីខែ កុម្ភៈ កន្លងទៅ ក្រុមប្រឹក្សាអភិវឌ្ឍន៍កម្ពុជា ក៏ទើបនឹងបានអនុម័តគម្រោងសណ្ឋាគារលំដាប់ផ្កាយ៥ និងមជ្ឈមណ្ឌលពាណិជ្ជកម្មមួយ តម្លៃជាង ៦០ លានដុល្លារ នៅខេត្តព្រះសីហនុផងដែរ ក៏ត្រូវបានអនុម័តឲ្យសាងសង់ និងហើយគ្រោងនឹងបើកដំណើរការជាផ្លូវការនៅដើមឆ្នាំ ២០២១។(ព័ត៌មាននេះមានប្រភពមកពីConstruction-Property.com)
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)