គម្រោងផ្ទះបុរីកំពុងរីកត្រដែតមិនថាតែក្នុងរាជធានីភ្នំពេញ ឬតាមបណ្តាខេត្តដែលមានសក្តានុពលនោះទេ ពីព្រោះតែសំណង់លំនៅដ្ឋានកំពុងតែមានតម្រូវការជាច្រើនសម្រាប់ប្រជាជនកម្ពុជា ។ ប៉ុន្តែមុននឹងសម្រេចចិត្តទិញផ្ទះបុរីអ្នកគួរតែពិចារណាលើចំណុចសំខាន់ៗ៣ខាងក្រោមនេះសិនចៀសវាងជួបហានិភ័យផ្សេងៗ ៖
ទី១-ប្រភេទប្លង់
ជាធម្មតាប្រសិនបើគម្រោងអភិវឌ្ឍន៍បុរីដែលអ្នកមានបំណងទិញ ជាគម្រោងស្របច្បាប់ ម្ចាស់គម្រោងត្រូវតែមានប្លង់រឹងមេមួយ ដែលជាប័ណ្ណកម្មសិទ្ធិស្របច្បាប់ដ៏សំខាន់ ដែលគ្របដណ្តប់លើផ្ទៃដីនៃគម្រោងទាំងមូល ។ ហើយប្លង់មេនេះដែរ នឹងត្រូវធ្វើការបែងចែកជាចំណែកផ្សេងៗគ្នា ដើម្បីចេញជាប្លង់រឹងមួយៗផ្សេងៗគ្នាសម្រាប់លំនៅដ្ឋាននីមួយៗនៅក្នុងគម្រោង ។ នៅប្រទេសកម្ពុជាយើងមានប្លង់ច្រើនប្រភេទ ដើម្បីសុវត្ថិភាពអ្នកគួរធ្វើការសាកសួរពីប្រភេទប្លង់ដែលម្ចាស់គម្រោងមាននៅក្នុងដៃ ។
ទី២-ប័ណ្ណចុះបញ្ជីក្រុមហ៊ុន
ដូចដែលអ្នកបានដឹងរួចមកហើយថា បច្ចុប្បន្ន មានគម្រោងអភិវឌ្ឍន៍បុរីជាច្រើនដែលកំពុងរីកដុះដាល តែមិនមែនគម្រោងទាំងអស់សុទ្ធតែជាគម្រោងស្របច្បាប់នោះទេ។ តាមច្បាប់ ក្រុមហ៊ុនអភិវឌ្ឍន៍ត្រូវចុះបញ្ជី និងត្រូវទទួលបានការយល់ព្រមពីក្រសួងពាក់ព័ន្ធជាមុនសិន ទើបមានសិទ្ធិអាចចាប់ផ្តើមដំណើរការអាជីវកម្ម និងដំណើរការសាងសង់បាន។
ទី៣-អាជ្ញាប័ណ្ណសាងសង់
គម្រោងបុរីត្រូវតែមានផងដែរនូវ អាជ្ញាប័ណ្ណសាងសង់ ត្រឹមត្រូវ ដែលចេញដោយ ក្រសួងរៀបចំដែនដីនគរូ បនីយកម្ម និងសំណង់ ។ មុននឹងទទួលបានអាជ្ញាប័ណ្ណនេះ គម្រោងត្រូវឆ្លងកាត់ការត្រួតពិនិត្យយ៉ាងហ្មត់ចត់ពីក្រសួងគ្រប់គ្រងដីធ្លី ។ នៅពេលទទួលបានអាជ្ញាប័ណ្ណនេះក្រុមអ្នកសាងសង់ត្រូវតែធ្វើតាមការណែនាំរបស់ក្រសួង បើមិនដូច្នោះទេ ពួកគេនឹងដកហូតប័ណ្ណសាងសង់វិញ ។ ដូចនេះដើម្បីប្រាកដថាផ្ទះរបស់អ្នកទិញ ត្រូវបានសាងសង់តាមស្តង់ដារ និងស្របតាមបទបញ្ជាលោកអ្នកអាចស្នើសុំមើលអាជ្ញាប័ណ្ណនេះ មុនពេលអ្នកចុះហត្ថលេខាលើកិច្ចព្រមព្រៀងទិញផ្ទះក្នុងបុរីណាមួយ ៕
អត្ថបទដោយ ៖ សំណាង
0
()
Application has been successfully submitted
we will contact you soon, please pay attention
ទូរស័ព្ទ:+855 66300666
+855 (0) 23222206 (CN/EN/KH)
+86 023 67480241 (CN)
+855 (0) 66400666 (CN/EN/KH)