វិស័យទេសចរណ៍នៅខេត្តកំពតកំពុងរីកចម្រើន ដែលជម្រុញឱ្យតម្លៃដីកើនឡើង

ដោយរងផលប៉ះពាល់ពីជំងឺកូវីដ១៩ ទេសចរណ៍នៅកម្ពុជាកំពុងប្រឈមនឹងការលំបាកយ៉ាងខ្លាំងនាពេលបច្ចុប្បន្ននេះ មានក្រុមហ៊ុនដែលទាក់ទងនឹងការធ្វើដំណើរចំនួន ៣០០០ បានបិទទ្វារ រួមមានសណ្ឋាគារ ផ្ទះសំណាក់ និងភោជនីយដ្ឋានជាដើម។ ជាលទ្ធផលមនុស្សជាង ១១ ម៉ឺននាក់បានបាត់បង់ការងារ ហាងម៉ាស្សា ហាងខារ៉ាអូខេ ហាងស្រា និងបៀរហ្គាដិន គឺជាតំបន់ដែលរងគ្រោះខ្លាំងជាងគេ។

ទោះយ៉ាងណា ក្នុងករណីមានស្ថានភាពទីផ្សារទេសចរណ៍ជាតិមិនល្អ ឧស្សាហកម្មទេសចរណ៍ខេត្តកំពតកំពុងមានការរីកចម្រើនយ៉ាងខ្លាំង ហើយចំនួនភ្ញៀវទេសចរមានការកើនឡើងដែលបង្ហាញពីស្ថានភាពប្លែក។

យោងតាមប្រព័ន្ធផ្សព្វផ្សាយកម្ពុជាក្នុងកំឡុងពេលមានជំងឺកូវីដ១៩ ចាប់ពីខែឧសភាដល់ខែកក្កដាចំនួនភ្ញៀវទេសចរក្នុងខេត្តកំពតលើសពី ៤៣ ម៉ឺននាក់។ ក្នុងចំណោមនោះ ចំនួនភ្ញៀវទេសចរណ៍ក្នុងស្រុកមានប្រមាណ ៤២ ម៉ឺននាក់ ហើយចំនួនភ្ញៀវទេសចរអន្តរជាតិមានប្រមាណ ៤០០០ នាក់។

មូលហេតុចម្បងនៃភាពរីកចម្រើនរបស់ទេសចរណ៍ក្នុងខេត្តកំពតគឺទីតាំងភូមិសាស្ត្រខ្ពស់។ ខេត្តកំពតមានទីតាំងស្ថិតនៅភាគនិរតីនៃខេត្តជាប់ឆ្នេរសមុទ្រ។ វានៅជាប់នឹងខេត្តកំពង់ស្ពឺនៅភាគខាងជើង ខេត្តតាកែវនៅខាងកើតនិងខេត្តកោះកុងនិងខេត្តព្រះសីហនុនៅភាគខាងលិច។ ការដឹកជញ្ជូនតាមផ្លូវទឹកមានភាពងាយស្រួល ការអភិវឌ្ឍសេដ្ឋកិច្ចនិងវប្បធម៌នៃកំពង់ផែ បានទាក់ទាញអ្នកជំនួញនិងវិនិយោគិនបរទេសយ៉ាងច្រើន។

ចំណុចទី ២ គឺបរិស្ថានធម្មជាតិធ្វើឱ្យខេត្តកំពតមានលក្ខណប្លែកពីគេ។ កំពតគឺជាខេត្តទេសចរណ៍ធម្មជាតិធំជាងគេនៅកម្ពុជា។ វាមិនត្រឹមតែមានទេសភាពធម្មជាតិដូចជាឆ្នេរនិងព្រៃឈើប៉ុណ្ណោះទេ ថែមទាំងមានប្រាសាទ ឧទ្យានជាតិនិងអាគារបារាំងបុរាណផងដែរ។ កំពតមានសភាពស្ងប់ស្ងាត់និងរីករាយពោរពេញទៅដោយរបៀបរស់នៅបែបបារាំង ហើយខេត្តកំពតកាន់តែមានប្រជាប្រិយភាពជាមួយភ្ញៀវទេសចរក្នុងស្រុកនិងភ្ញៀវទេសចរបរទេស។

ក្រៅពីនេះ កំពតមានដំណាំកសិកម្ម គ្រឿងសមុទ្រស្រស់ៗ និងផ្លែឈើដែលធ្វើឱ្យអ្នកដំណើរចង់នៅឲ្យបានយូរ។ ធូរេននៅកំពតគឺមានរសជាតិផ្អែម ទន់ និងឈ្ងុយឆ្ងាញ់ ហើយក៏ជាប្រភេទធូរេនដែលមានភាពល្បី ហើយត្រូវបានប្រជាជនពេញនិយមនិងចូលចិត្តពិសារ។

វិស័យទេសចរណ៍នឹងជំរុញដំណើរការនគរូបនីយកម្មនាពេលអនាគត ហេដ្ឋារចនាសម្ព័ន្ធក្នុងខេត្តកំពតនឹងកាន់តែពេញលេញ សក្តានុពលនៃការអភិវឌ្ឍខេត្តកំពតក៏នឹងមានភាពកាន់តែប្រសើរ។

ប្រសិនបើវិនិយោគិនចង់វិនិយោគនៅខេត្តកំពត លោកអ្នកអាចតាមដានព័ត៌មានដីខាងក្រោមជាមុនសិន។