ឡើងកូដទៀតហើយ!កំពង់ស្ពឺ ត្រូវបានក្រុមហ៊ុនចិនធំៗចំនួន៣៥ មកសិក្សាពីវិស័យសំខាន់ៗដើម្បីធ្វើការវិនិយោគ

ខេត្តដែលស្ថិតនៅជិតទីក្រុងភ្នំពេញ តាមបណ្ដោយផ្លូវជាតិលេច៤ មួយនេះ កំពង់ដំឡើងកូតរបស់ ខ្លួនទៀតហើយតាម រយៈ ការចុះមករកឱកាសវិនិយោគពីក្រុមហ៊ុនចិនធំៗចំនួន៣៥ក្រុមហ៊ុន ខណៈទឹកដីនេះមានគម្រោងធំៗជាច្រើន បាននឹងកំពុង ផ្លាស់ ប្ដូរមុខមាត់ខេត្តនេះយ៉ាងឆាប់រហ័សនាមួយរយៈចុងក្រោយនេះ។

ខេត្តកំពង់ស្ពឺដែលកំពុងតែមានសក្ដានុពលជាច្រើន មិនថាប្រជាសាស្ត្រ ភូមិសាស្ត្រជាដើមហេតុនេះហើយ ទើបបណ្ដាល ឱ្យ ខេត្តក្បែរទីក្រុងភ្នំពេញមួយនេះ មានការចាប់អារម្មណ៍ខ្លាំង មិនថាអ្នកវិនិយោគក្នុងស្រុក ឬក្រៅស្រុកនោះទេគឺហូរ ចូលមក ឥតដាច់ឡើយ។

ជាក់ស្ដែងនាព្រឹកថ្ងៃទី២៧ ខែវិច្ឆិកា ឆ្នាំ២០១៩នេះ ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ បានទទួល ជួបពិភាក្សា ការងារជាមួយក្រុមហ៊ុនធំៗ ចំនួន៣៥ មកពីសាធារណរដ្ឋប្រជាមានិតចិនក្នុងគោល បំណងសិក្សាស្វែងយល់ពី ឱកាស សម្រាប់វិនិយោគនៅក្នុងខេត្តកំពង់ស្ពឺនេះ ។

ឆ្លៀតក្នុងឱកាសនោះ ឯកឧត្តមបានបញ្ជាក់ថាខេត្តកំពង់ស្ពឺកំពុងត្រូវការអ្នកវិនិយោគបន្ថែមទៀត ដើម្បីអភិវឌ្ឍន៍ខេត្ត ដើម្បីផ្តល់ទីផ្សារការរងារដល់ប្រជាជនកម្ពុជា និងកាត់បន្ថយការចំណាកស្រុកជាដើម។

បន្ថែមលើនេះលោកក៏បានបង្ហាញពីវិស័យមួយចំនួនដែលទឹកដីមួយនេះកំពុងត្រូវការខ្លាំងពីវិនិយោគិនគ្រប់រូប ដែលក្នុងនោះ រួមមាន វិស័យកសិកម្ម វិស័យឧស្សាហកម្ម និងពាណិជ្ជកម្មជាដើម ប្រកបដោយគុណភាពនិងប្រសិទ្ធិភាព ដើម្បីលើកស្ទួយ ជីវភាព ប្រជាជនក្នុងខេត្តមានជីវភាពកាន់តែរីកចំរើនឡើង។

តាមរយៈប្រសាសន៍របស់អភិបាល នៃគណៈអភិបាលខេត្តរូបនេះ បានបញ្ជាក់ផងដែរថា ក្រុមហ៊ុននានាដែលកំពុងធ្វើការវិនិយោគនៅក្នុងខេត្តកំពង់ស្ពឺនេះ គឺមានការទទួលស្គាល់ និងបានច្បាប់អនុញ្ញាតដោយក្រុមប្រឹក្សាអភិវឌ្ឍកម្ពុជា (CDC)ត្រឹមត្រូវផងដែរ។

គួររំលឹកផងដែរថា ខេត្តកំពង់ស្ពឺកំពុងតែមានសក្កានុពលយ៉ាងខ្លាំងក្នុងការស្រូបយកគម្រោងជាច្រើនមកវិនិយោគនិងធ្វើឲ្យវិស័យអចលនទ្រព្យកាន់តែរីកចម្រើនបន្ថែមទៀតជាក់ស្ដែង គម្រោងធំៗជាច្រើនដូចជា កីឡដ្ឋានតម្លៃ២លានដុល្លារដែលនឹងសាងសង់ខែក្រោយនេះ គម្រោងសាងសង់រោងចក្រអគ្គិសនីដើរដោយពន្លឺព្រះអាទិត្រ គម្រោងបង្កើតរោងចក្រអគ្គិសនី រោងចក្រផលិតទឹកស្អាត កសិដ្ឋានចិញ្ចឹមគោខ្នាតយក្ស ដែលចិញ្ចឹមតាមបច្ចេកវិទ្យាកូរ៉េ រោងចក្រកែច្នៃផ្លែឈើគ្រប់ប្រភេទ តម្លៃប្រមាណជាង ៦លានដុល្លារ មណ្ឌលកំសាន្ដលំដាប់ថ្នាក់អន្ដរជាតិ គម្រោងបង្កើតទីក្រុងវៃឆ្លាត លើទំហំដីប្រមាណ១០០ហិកតា និងគម្រោងយក្សធំៗជាច្រើនទៀតដែលបានរំលេចខ្លួន លើទឹកដីនៃជង្រុកវិនិយោគមួយនេះ។

តាមរយៈការស្រូបទាញឥតឈប់ឈរនេះហើយ បានធ្វើឱ្យខេត្តមួយនេះកែប្រែមុខមាត់ក្នុងរយៈពេលដ៏ខ្លី ពិសេសគឺវិស័យដីធ្លីនិងសំណង់ បានកើនឡើងយ៉ាងគំហុក ហើយបានចូលរួមចំណែកលើកមុខមាត់ប្រទេសកម្ពុជាយ៉ាងច្រើនអនេក គួរឱ្យកត់សម្គាល់។(ព័ត៍មាននេះមានប្រភពមកពីBusiness-Cambodia.com)